Bilim • 31 Naýryz, 2020

Mahambet ýnıversıtetiniń 5 myń stýdenti onlaın oqıdy

140 retkórsetildi

Mahambet О́temisuly atyndaǵy Batys Qazaqstan memlekettik ýnıversıtetiniń 5 myńnan asa stýdenti qashyqtan bilim berý úrdisi ońtaıly júzege asyrylýda

- Bizdiń ýnıversıtette qazir qashyqtyqtan oqytý úrdisi MOODLE, ZOOM, VIBER, WHATSAPP, INSTAGRAM, SKYPE, MicroSoft Teams t.b. avtomattandyrylǵan aqparattyq júıe baǵdarlamalary men áleýmettik jelilerdiń kómegimen tıimdi júzege asyrylyp jatyr. Sonyń ishinde, qashyqtan oqytýdy júzege asyrý maqsatynda MOODLE avtomattandyrylǵan aqparattyq júıesine barlyq mamandyq pen bilim berý baǵdarlamalary júktelip, 1000-ǵa jýyq pán engizildi, - deıdi BQMÝ-dyń baspasóz qyzmeti jetekshisi Rıta Sultanǵalıeva.

Atalǵan aqparattyq júıege ýnıversıtettiń 5 myńnan asa stýdenti men 400-ge jýyq oqytýshysy tirkelgen. Sonymen qatar bul júıege barlyq mamandyq pen bilim berý baǵdarlamasy boıynsha elektrondy oqý-ádistemelik keshender men oqý-ádistemelik materıaldar – dárister, semınarlar, stýdent pen magıstranttardyń oryndaıtyn ózindik jumys tapsyrmalary, aýdıo-beıne dárister, elektrondy oqý quraldary júktelgen. Oqý ornynyń ınternet jyldamdyǵy 110 mb/s quraıdy.

Ýnıversıtette MOODLE AIS júıesinde jumys júrgizý úshin stýdenter men magıstranttar jáne oqytýshylarǵa oqytý semınarlary ótken. Barlyq bilim alýshyǵa oqý ornynyń ǵylymı kitaphanasy men respýblıkalyq joǵary oqý oryndarynyń kitaphanalarynyń elektrondy qoryna kirý múmkindigi jasalǵan. Ýnıversıtet saıtynda qashyqtan bilim berý portalynda jumys jasaýǵa arnalǵan oqytý prezentasııalary da júktelgen.

- Elimizdegi tótenshe jaǵdaıǵa baılanysty barlyq joǵary oqý oryndary men bilim berý uıymdary qashyqtan oqytý tehnologııasy arqyly bilim berýdi ońtaıly júzege asyrýy tıis. Qazaqstan Respýblıkasy Bilim jáne ǵylym mınıstri Ashat Aımaǵambetov osy máselege oraı arnaıy brıfıng ótkizip, eń basty máselelerdi jan-jaqty túsindirgen bolatyn. Bul tehnologııany meńgergen bilikti maman sheberligin kórsetip, shákirtteriniń tereń bilim alýyna, jaýapkershiligin kúsheıtip, ózin ózi damytýǵa jol ashary sózsiz, - deıdi Rıta Sultanǵalıeva.

 

Batys Qazaqstan

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar