Onlaın keńesshilerdiń birqatary onlaın-HQO-da qyzmet kórsetip otyr. ESQ kómegimen barlyq memlekettik qyzmetterdiń 80% alýǵa bolady. Sol sebepti, azamattarǵa yńǵaıly bolý úshin, elektrondy sıfrlyq qoltańbany (ESQ) onlaın alý máselesi sheshildi. Kóptegen azamattar memlekettik qyzmetterdi úıde otyryp alý úshin ESQ alýǵa, nemese mobıldik azamattar bazasyna tirkelýge ótinish berýde. Al olardyń sáıkestendirý rásimin rastaý úshin onlaın HQO jumys isteýde.
«Onlaın HQO 40 operator eki aýysymda qyzmet kórsetedi. Eger azamattyń telefon nómiri mobıldik azamattar bazasynda tirkelmegen jaǵdaıda, júıe ony HQKO operatorymen qosady, ol birqatar qosymsha suraqtar (qujattardyń derekteri, tirkeý orny jáne t.b.) qoıa otyryp azamatty beınebaılanys arqyly sáıkestendiredi», – deıdi «Azamattarǵa arnalǵan úkimet» MK KEAQ Almaty qalasy fılıalynyń dırektory Danııar Qyryqbaev.
Budan basqa, Almaty qalasy boıynsha qyzmet alýshylardyń suraqtaryna jedel jaýap berý úshin arnaıy Call-ortalyq jumys isteıdi.
«Call-ortalyqqa 1414 nómiri boıynsha halyqtan qońyraýlar qabyldap, keńes beretin 110 qyzmetker jumyldyryldy. Call-ortalyq qyzmetiniń sapasyn qamtamasyz etý jáne qyzmetkerlerge júktemeni azaıtý úshin 60 keńes berýshi eki aýysymda jumys isteýde.Taǵy 50 qyzmetker úıde otyryp, turǵyndarǵa keńes berip, olardyń máselelerin jedel sheshýge kómektesýde», – deıdi Danııar Batanuly.
Call-ortalyq ashylǵan sátten bastap 25 myńnan astam keńes bergen. Kúnine 6-7 myń adam ár túrli suraqtarmen júginedi.
Mamandardyń aıtýynsha, negizinen turǵyndar týý týraly kýálik alý, bala týýyna baılanysty járdemaqylar, MAB jazý, avtokólikke qatysty qujattardy úıge jetkizý qyzmeti, onlaın ESQ alý, jeke kýálik alý, ýaqytsha jáne turaqty tirkeý, emhanaǵa bekitý týraly, avtokólik quraldaryn esepten shyǵarý jáne qoıý, avtokólikke tyıym salýdy tekserý, júrgizýshi kýáligin qalaı alý jáne aýystyrý týraly, sondaı-aq qaıtys bolý týraly kýálikti qalaı alý, jerleýge arnalǵan qujattardy, tehnıkalyq pasport, jer ýchaskesiniń memlekettik aktisi, JK qalaı ashýǵa bolady jáne t. b. suraqtardy jıi qoıyp otyr.
Aıta ketý kerek, 608 memlekettik qyzmetti elektrondyq úkimet portaly arqyly alýǵa bolady, onyń ishinde mamandandyrylǵan bólimderdiń qyzmetteri de bar. Smartfon arqyly 60 qyzmet túrin alýǵa múmkindik bar.
Osylaısha, «Azamattarǵa arnalǵan úkimet» MK KEAQ halyqtyń elektrondyq úkimet portalyn belsendi paıdalanyp, syrtqa shyqpaı-aq, bar jumysyn úıde bitirip, memlekettik qyzmetterdi onlaın alýyna jaǵdaılar jasaýda.Qyzmetterdi onlaın ala otyryp árkim ózin jáne jaqyndaryn qorǵap, ortaq qaýipsizdikke óz úlesin qosatynynbilgen jón.
