Kópshilik Patrıkty týǵan aǵasy Djon Makınroı arqyly jaqsy tanıdy. Ol - álemdik tennıs tarıhyndaǵy eń eleýli tulǵalardyń biri. 61 jastaǵy Djon kezinde AQSh-tyń ashyq birinshiliginde tórt ret top jaryp, Ýımbldon týrnırinde úsh márte dara shyqty. ATR dodalarynda 77 ret jeńimpaz atanyp, sekseninshi jyldardyń basynda álemniń birinshi raketkasy atandy. Sonymen qatar, Djon «Úlken dýlyǵa» sanatyndaǵy jarystardyń juptyq saıystarynda 9 ret teńdessiz dep tanyldy.
Patrık te qara jaıaý emes. Ol juptyq básekede Rolan Garrostyń jeńimpazy atansa, Aýstralııanyń ashyq birinshiliginiń fınalynda oınady. Melbýrnde dástúrli túrde uıymdastyrylyp turatyn týrnırdiń jartylaı fınalynda óner kórsetti. Toqsanynshy jyldardyń bel ortasynda Makınoroılardyń kisshisi ATR reıtınginde 27 orynǵa deıin kóterildi. Odan keıin bapkerliktiń qamytyn kıip, 2007 jyly AQSh quramasymen birge Devıs kýbogyn jeńip aldy. Sonymen qatar, Patrık Makınroı sport kommentatory retinde tikeleı efırden tennısshilerdiń talaı básekesin júrgizdi.
