Basynda dárigerler aýrýhanaǵa túsken naýqasta tynys alý jetkiliksizdiginiń belgileri bar pnevmonııany anyqtaǵan. Ol birden oqshaýlanǵan reanımasııalyq boksqa ornalastyrylǵan eken. Biraq, júrgizilgen qarqyndy terapııaǵa qaramastan, saǵat 07.10-da onyń júregi soǵysyn toqtaǵan.
Aýrýhanaǵa túsken kezde naýqastan birden koronavırýsty anyqtaý úshin tıisti analızder alynypty. Al qaıtys bolǵannan keıin onyń atalǵan ınfeksııany juqtyrǵany rastalǵan.
«Medısınalyq qyzmetkerler barlyq qoldanystaǵy hattamalardy saqtady. Qazirgi ýaqytta epıdemııaǵa qarsy qajetti is-sharalar júrgizilýde», dep atap ótti Erjan Nurlybaev.
Qaıtys bolǵan er adam Qaraǵandynyń turǵyny eken. Temirtaý qalasynda azamattarǵa notarıaldyq qyzmet kórsetip turǵan. Dárigerlerdiń qolyndaǵy derekterge qaraǵanda, marqum el shekarasynan eshqaıda shyqpaǵan, sondaı-aq ol Nur-Sultan jáne Almaty qalalarynda bolmaǵan.
Qazirgi ýaqytta qaıtys bolǵan azamattyń 56 adammen baılanysta bolǵany anyqtaldy. Marqumnyń jaqyn týystarynyń sheńberi oqshaýlanyp, olardyń barlyǵy baqylaýǵa alynǵan.
Búgingi tańda Qaraǵandyda 13 naýqasta koronavırýs ınfeksııasy bar degen dıagnoz rastalǵan. Olardyń jaǵdaıyn dárigerler qanaǵattanarlyq dep baǵalaıdy. Sondaı-aq, 598 adam táýlik boıy baqylaýǵa alynǵan. Úı karantıninde 1 076 adam bar.
Qaraǵandy oblysy
