«Shymkent qalasynda koronovırýs ınfeksııasynyń taralýynyń aldyn alý maqsatynda saqtyq sharalary kúsheıtilýde. Osyǵan oraı qalada blog-beketterdiń sany artyp, 17-ge jetip otyr. Sondaı-aq qala aýmaǵynda betperdelik rejım engizildi. Budan bylaı barlyq azamattar qalada medısınalyq betperde taǵyp júrýge mindetti. Bul shekteýlerdi eskermegen, tótenshe jaǵdaı rejımi men sanıtarlyq talaptardy qasaqana buzǵan azamattarǵa qoldanystaǵy zańnamaǵa sáıkes ákimshilik hattama toltyrylyp, aıyppul salynady» dedi Erbol Ábilqaıyruly.
Onyń aıtýynsha, QR Ákimshilik quqyq buzýshylyq týraly Kodeksiniń 476-babyna sáıkes, tótenshe jaǵdaı rejımin buzǵan azamattarǵa 10 AEK kóleminde aıyppul salynady. Eger bul quqyqbuzýshylyq taǵy da qaıtalansa, sot sheshimimen 10 táýlikke deıin qamaýǵa alynýy múmkin.
Eske sala ketsek, Shymkent qalasynda koronavırýs ınfeksııasynyń taralýyna jol bermeý maqsatynda 31 naýryz kúni saǵat 21.00-den bastap qosymsha shekteý sharalary engiziledi. Atap aıtsaq, qalaǵa kiretin barlyq joldar jabylady. Avtokólikterdiń qalaǵa kirýi men shyǵýyna tyıym salynady. Tek tranzıtti júk kólikteri men tirshilikti qamtamasyz etetin arnaıy avtokólikterge ruqsat beriledi.
ShYMKENT
