25 naýryzda jumysyn toqtatpaǵan «Smokings» dámhanasy anyqtalǵan. Sondaı-aq mundaı tártip buzǵandardyń qatarynda «Túrkistan» meıramhanasy da bar.
«Smokings» dámhanasynyń ıesi 5 táýlikke qamaýǵa alynsa, meıramhana ıesine 10 aılyq eseptik kórsetkish mólsherinde aıyppul salyndy. Qalalyq prokýratýra janynan tótenshe jaǵdaı talaptaryn saqtaýdy baqylaý maqsatynda mobıldik jumys toby qurylǵan. Onyń quramynda polısııa, sanıtarlyq qyzmet jáne ózge de jaýapty basqarmalar bar. Tártip buzǵandardy ákimshilik jaýapkershilikke tartý qarastyrylǵan. Al, bile tura jalǵan aqparat taratqan nemese tótenshe jaǵdaı kezinde bılik ókiliniń zańdy talabyn buzǵandar qylmystyq jaýapkershilikke tartylady.
