37 jastaǵy Atyraý qalasynyń turǵyny vırýs juqtyrǵan oraldyq áıelmen baılanysta bolǵandar tiziminde turǵan.Týǵan jerine oralǵannan keıin odan aýrý anyqtalǵan.
Ekinshi aýrý juqtyrǵan pasıent – 20 jastaǵy jigit, 27 naýryz kúni áýejaıǵa qonǵan «Ystambul-Atyraý» arnaıy reısiniń jolaýshysy. Jigit JRVI aıqyn belgilerimen ınfeksııalyq stasıonarǵa jatqyzyldy. Karantınde bolǵan kezde koronavırýsqa testi qaıta tekserilgende rastaldy.
Bul reıspen sondaı-aq 28 naýryzda jastaǵy áıel de kelgen. Ol áýejaıdan JRVI belgilerimen aýrýhanaǵa jetkizilgen, keıin aýrý juqtyrǵany anyqtaldy.
Qyzylqoǵa aýdanynyń 28 jastaǵy turǵyny Atyraý qalasyndaǵy oblystyq aýrýhanaǵa JRVI belgilerimen shaǵymdanǵan. Odan alynǵan test áıeldiń koronavırýsqa shaldyqqanyn kórsetti, qazirgi kezde naýqaspen baılanysta bolǵan adamdardyń tizimi qurylýda. Budan basqa, Atyraý oblystyq Densaýlyq saqtaý basqarmasynyń sheshimimen, oblystyq aýrýhana eki kúnge karantınge jabyldy. Medısınalyq mekemede dezınfeksııa júrgizilip, indet juqtyrǵan medısınalyq qyzmetkerler men pasıentter oqshaýlanǵan.
Osylaısha, Atyraý oblysynda koronavırýs ınfeksııasyn juqtyrǵandar sany 16 adam boldy. Barlyq pasıentter ınfeksııalyq stasıonarda jatyr. Olarmen baılanysta bolǵan tulǵalar anyqtalyp, karantınge jatqyzylýda.
