«О́zderińiz biletindeı, qalada qazirgi tańda koronavırýstyq ınfeksııaǵa qarsy belsendi jumystar júrgizilip jatyr. Osyǵan baılanysty Nur-Sultan qalasy halqynyń densaýlyǵyn saqtaý jáne qaýipsizdigin qamtamasyz etý maqsatynda aǵymdaǵy jyldyń 20 naýryzynan bastap qalanyń barlyq nysandarynda, adam kóp shoǵyrlanatyn jerlerde, sonymen qatar turǵyn úı keshederi men turǵyn úı alaptarynda aýqymdy dezınfeksııa jumystary júrgizilýde», dedi qala ákiminiń orynbasary.
Onyń aıtýynsha, dezınfeksııa jumystaryna kúndelikti 470 dezınfektor, sonyń ishinde Qorǵanys mınıstrliginen 231 adam, dezınfeksııalyq jumys isteıtin uıymdardan 239 adam qatysýda.
«Dezınfeksııa jumystary Qorǵanys mınıstrliginiń kúshimen, atap aıtqanda Qorǵanys mınıstrliginiń radıohımııalyq jáne bakterologııalyq áskeriniń, qala ákimdigi men dezınfeksııalyq jumystar isteıtin uıymdardyń kúshimen júrgizilýde. Dezınfeksııalyq sharalardy júrgizýge 50-den astam tehnıka, onyń ishinde 20 birlik áskerı tehnıka, 200 birlik rotorlyq jáne sorǵysh-shashyratqyshtar jumyldyrylǵan», dedi Altynbek Qaısaǵalıev.
Kúndelikti áskerıler kúshimen 10 baǵyt boıynsha dezınfeksııa jumystaryn júrgizilýde.
