Qazaqstan • 01 Sáýir, 2020

Úkimet respýblıkadaǵy múgedekterge arnalǵan jalǵyz arnaýly kolledjge qoldaý kórsetpek

7 retkórsetildi

«Aq jol» partııasynyń depýtattyq saýalynan keıin Úkimet respýblıkadaǵy múgedekterge arnalǵan jalǵyz arnaýly kolledjge qoldaý kórsetedi. Esterińizde bolsa, «Aq jol» fraksııasy Túrkistan oblysynyń Kentaý qalasyndaǵy atalǵan kolledjdiń jaǵdaıyna nazar aýdarýdy suraǵan bolatyn.

«Aq jol» fraksııasynyń depýtaty K.Absatırovtyń osy jyldyń 26 aqpanynda jasaǵan depýtattyq saýalynda «1942 jyldan beri qyzmetin atqaryp kele jatqan kolledj toqsanynshy jyldardyń kezinde de basty mıssııasyn toqtatqan emes. Kolledjdiń basty mindeti múgedek balalardy eńbek daǵdylaryna úıretip, arnaýly bilim berip qana qoımaı, qazirgi qıyn kezeńde jumysqa ornalasýǵa múmkindik beredi» delingen.

Túrkistan oblysy bıýdjeti esebinen oqytylatyn bul kolledjde 16 jastan 35 jasqa deıingi elimizdiń 7 óńirinen (Aqtóbe oblysy, ShQO, BQO, Qyzylorda, Qaraǵandy, Túrkistan oblystary men Shymkent qalasy) 80 stýdent kásibı bilim alady. Alaıda, elimizdegi 700 myń qazaqstandyq múgedek jandarǵa arnalaǵan jalǵyz oqý ornynyń materıaldyq-tehnıkalyq jáne medısınalyq-sanıtarlyq bazasy búgingi tańda bilim berý suranysynyń úshten birin ǵana qanaǵattandyra alady.

Osyǵan oraı, Úkimetten kolledjdi respýblıkalyq bıýdjetke aýystyryp, oqý quraldarmen jáne turmystyq jaılarmen, kerekti jabdyqtarmen, onyń ishinde lıftilerimen, avtotehnıka, sportzal men qamtamasyz etip, monsha-kir jýý keshenin jóndeý suralǵan bolatyn.

Depýtattyq saýaldyń resmı jaýabynda QR Bilim mınıstrligine oblys ákimderi jáne Nur-Sultan, Almaty, Shymkent qalalarynyń ákimderimen birlese otyryp Arnaýly kolledjdi memlekettik tapsyrys aıasynda, ıaǵnı respýblıkalyq bıýdjet esebinen qarjylandyrý múmkindigin qarastyrý tapsyrylǵany aıtylǵan.

Arnaýly kolledjdi qajetti jabdyqtarmen, lıftilerimen, avtotehnıkamen qamtamasyz etýdi «Jas maman» jobasy  sheńberinde iske asyrý tapsyrylǵan. Sonymen birge, «Jas maman» jobasy aıasynda Túrikstan oblysynyń kolledjderine jabdyqtar satyp alý úshin 2020-2022 jyldarǵa arnalǵan respýblıkalyq bıýdjetten 3,6 mlrd teńge bólingen.

Sonymen birge, saýal jaýabyndy Arnaýly kolledjge qajet bolǵan jaǵdaıda tárbıeshi, zańger, áleýmettik pedagog, pedagog-uıymdastyrýshy laýazymdaryn engizýge quqy berilgeni jóninde aıtylǵan.

«Kórsetilgen máseleler boıynsha jumystar Úkimet baqylaýynda»  delingen QR Premer-Mınıstriniń orynbasary E.Toǵjanovtyń qoly qoıylǵan hat jaýabynda.

Sońǵy jańalyqtar

Erlikti dáripteıtin qomaqty qor

Rýhanııat • Búgin, 20:12

Eki qylmystyq top ustaldy

Aımaqtar • Búgin, 17:45

Bıyl elimizde 4 vızıt-ortalyq ashylady

Rýhanııat • Búgin, 16:01

Qazaqstanda Ekologtar kúni atap ótildi

Aımaqtar • Búgin, 15:57

Onlaın sóılesýdiń mádenıeti

Qoǵam • Búgin, 15:55

Balalar úıindegi izgilik sharasy

Aımaqtar • Búgin, 15:47

Eltańba tarıhy talqylandy

Rýhanııat • Búgin, 14:54

Senat Tóraǵasy AQSh elshisimen kezdesti

Parlament • Búgin, 14:38

Uqsas jańalyqtar