Medısına • 01 Sáýir, 2020

MÁMS boıynsha jeńildik merzimi uzartyldy

46 retkórsetildi

Áleýmettik medısınalyq saqtandyrý qoryna jarna aýdarmaǵan azamattar dárigerlik kómekti alýdy jalǵastyra beredi. Qazirgi eldegi jaǵdaı eskerile otyryp, olardyń medıınalyq kómek alý quqy  2020 jyldyń 1 shildesine deıin uzartyldy.

– Áleýmettik medısınalyq saqtandyrý qory 2020 jyldyń 1 sáýirinen bastap MÁMS-ke tolyq kóshý úshin qajetti daıyndyq jumystaryn júrgizgeni belgili. Qazirgi ahýalǵa baılanysty Memleket basshysynyń tapsyrmasymen saqtandyrylmaǵan azamattar da medısınalyq saqtandyrý sheńberinde kómek ala beretin boldy. Bul jeńildik 2020 jyldyń 1 shildesine deıin uzartyldy, - deıdi Áleýmettik medısınalyq saqtandyrý qorynyń basqarma tóraǵasy Aıbatyr Jumaǵulov.

Osy merzimge deıin eldiń barlyq azamaty MÁMS-ke qatysýshy statýsyna qaramaı, shartty saqtandyrylǵan bolyp esepteledi jáne medısınalyq kómekti ala alady.

Qazir elimizde shamamen 16,4 mıllıon adam saqtandyrylǵan. Onyń ishinde 11 mıllıonǵa jýyǵy – áleýmettik jaǵynan álsiz toptardyń ókili. Olar úshin jarnany memleket tóleıdi. Osylaısha, el halqynyń jartysynan kóbi memleket tarapynan avtomatty túrde saqtandyrylǵan.

Áleýmettik medısınalyq saqtandyrý qory –  saqtandyrý júıesiniń qarjylyq operatory. Eldegi medısınalyq uıymdar ózderiniń qyzmetterine saı osy qordan aqy alady. Bıylǵa deıin qor 1250-den astam medısınalyq uıymmen shart jasasqan, olardyń 650-den astamy – memlekettik bolsa, 600-den astamy jekemenshik medısınalyq uıym. Al jasalǵan kelisim-sharttardyń somasy 1,3 trln teńgeni quraıdy.

Qymbat TOQTAMURAT

Sońǵy jańalyqtar

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Eltańba tarıhy talqylandy

Rýhanııat • Keshe

Uqsas jańalyqtar