Qazaqstan • 01 Sáýir, 2020

Antikor onlaın rejiminde azamattarǵa quqyqtyq kómek pen zańgerlik keńes kórsetýde

21 retkórsetildi

Eldegi tótenshe jaǵdaıdy eskere otyryp, Sybaılas jemqorlyqqa qarsy qyzmeti óziniń «Adal kómek» jobasy arqyly onlaın formatta zańgerlik kómek kórsetýde.

Bul joba árbir azamattyń turǵylyqty jerine qaramastan, áleýmettik oqshaýlaýdy saqtaı otyryp, naqty ýaqyt rejıminde joǵary bilikti quqyqtyq kómek alýǵa múmkindik beredi.

Joba agenttiktiń bastamasymen «Volonter jyly» aıasynda bastaý aldy.

Aıta ketý kerek, Memleket basshysy volonterlik qyzmettiń bir baǵyty retinde volonter-zańgerlerdi tartý arqyly halyqtyń quqyqtyq saýattylyǵyn arttyrý jáne azamattarǵa quqyqtyq máseleler boıynsha konsýltasııalyq kómek kórsetýdi aıqyndap berdi.

Belgili advokat, Ulttyq qoǵamdyq senim keńesiniń múshesi, adam quqyǵy jónindegi sarapshy Aıman Omarova «Adal kómek» jobasyna jetekshilik etýde.

Búgingi tańda elimizdiń barlyq óńirinde jobanyń fılıaldary iske qosylǵan.

Jobanyń keń aýqymda taralyp jumys isteýi úshin atalǵan sharaǵa agenttik arqyly elimizdegi bedeldi zańgerler men quqyqtanýshylar, tájirıbeli advokattar tartylýda.

О́z kezeginde, bul qoǵamnyń áleýmettik osal toptaryna tegin keńes berý úshin sarapshylar qaýymdastyǵynyń basyn biriktirgen ashyq alań qurýǵa múmkindik berdi.

«Adal kómek» jobasy iske qosylǵan sátten bastap myńnan asa azamat quqyqtyq keńes aldy. «Adal kómek» bul – quqyqtyq aǵartýshylyq pen azamattyq qoǵamnyń jetilý kórsetkishi.

Sońǵy jańalyqtar

Erteń Qyzylordada kún kúrt ysıdy

Aımaqtar • Búgin, 17:22

Sımptomsyz naýqastar úıde emdele alady

Koronavırýs • Búgin, 15:45

ForteMobile uıaly baılanysy iske qosylady

Tehnologııa • Búgin, 15:22

Mınıstr muǵalimdermen kezdesti

Bilim • Búgin, 14:47

Lıonel Messıdiń mereıi ústem

Sport • Búgin, 14:37

Aqmolada 3 adam sýǵa ketti

Aımaqtar • Búgin, 13:42

Uqsas jańalyqtar