Qazaqstan • 01 Sáýir, 2020

Eńbek etý úshin kóship-qonýshylar týraly zań jobasyn ratıfıkasııalaý máselesin qarady

10 retkórsetildi

Parlament Senatynyń Áleýmettik-mádenı damý jáne ǵylym komıtetiniń keńeıtilgen otyrysynda «Qazaqstan Respýblıkasyndaǵy О́zbekstan Respýblıkasynyń azamattary jáne О́zbekstan Respýblıkasyndaǵy Qazaqstan Respýblıkasynyń azamattarynyń eńbek qyzmeti jáne eńbek mıgranttarynyń quqyǵyn qorǵaý týraly Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy kelisimdi ratıfıkasııalaý týraly» zań jobasy qaraldy. Bul týraly Senattyń baspasóz qyzmeti habarlady.

Zań jobasy týraly elimizdiń eńbek jáne halyqty áleýmettik qorǵaý mınıstriniń orynbasary Aqmádı Sarbasov baıandama jasady. Áleýmettik-mádenı damý jáne ǵylym komıtetiniń tóraǵasy Murat Baqtııaruly qosymsha baıandama jasap, qujattyń mańyzy týraly óz oılaryn ortaǵa saldy.

Bul kelisim eki eldiń ózara eńbek qyzmeti jáne eńbek mıgranttarynyń quqyǵyn qorǵaýǵa qatysty máselelerdi retteıdi. Kelisimniń maqsaty – eki el arasyndaǵy kóshin-qondy retteý sharalaryn birlesip júzege asyrý jáne zańsyz eńbek etý qyzmetin toqtatý.

Ekijaqty kelisimniń aıasynda eńbek mıgranttary úshin birqatar jaǵdaılar qarastyrylyp otyr. Onyń ishinde, eńbek jaraqatyn alǵan jaǵdaıda, eńbek mindetin óteý kezinde kásibı aýrý nemese densaýlyǵyna zııan keltirgende ótem tóleý, sonymen qosa kepildendirilgen tegin medısınalyq kómek alý; pedagogıka, medısına jáne farmasevtıka mamandyqtary boıynsha bilim alyp sol salada jumys istegen jaǵdaıda bilim qujatyn moıyndaý týraly memleket qabyldaǵan zań aıasynda bekitilgen rásimnen ótýi; áleýmettik jáne zeınetaqymen qamtamasyz etý bar.

Kelisimdi júzege asyrýǵa Qazaqstan Respýblıkasy Eńbek jáne áleýmettik qorǵaý mınıstrligi men О́zbekstan Respýblıkasy Jumyspen qamtý jáne eńbek qatynastary mınıstrligi jáne О́zbekstan Respýblıkasy Jumyspen qamtý jáne eńbek qatynastary mınıstrligi janyndaǵy syrtqy eńbek mıgrasııasy jónindegi agenttik  jaýapty bolyp otyr.

Odan bólek, bul kelisim Qazaqstan Respýblıkasynyń Úkimeti men О́zbekstan Respýblıkasynyń Úkimeti arasynda eńbek mıgrasııasy prosesin retteý men eki el arasynda jumys kúshteriniń júrip turýyna jaǵdaı jasaýǵa múmkindik beredi.

Komıtettiń keńeıtilgen otyrysynda «Qazaqstan Respýblıkasyndaǵy О́zbekstan Respýblıkasynyń azamattary jáne О́zbekstan Respýblıkasyndaǵy Qazaqstan Respýblıkasynyń azamattarynyń eńbek qyzmeti jáne eńbek mıgranttarynyń quqyǵyn qorǵaý týraly Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy kelisimdi ratıfıkasııalaý týraly» zań jobasyn Senat otyrysynyń kún tártibine engizý týraly sheshim qabyldandy.

Sońǵy jańalyqtar

Jol qurylysyna monıtorıng júrgizilýde

Aımaqtar • Búgin, 14:45

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Uqsas jańalyqtar