Álem • 01 Sáýir, 2020

Telearnalar koronavırýs týraly kóp kórsetpeýi kerek

36 retkórsetildi

Reseıdiń bir top dárigeri el Prezıdenti V. Pýtın men Premer-Mınıstr M. Mıshýstınge ashyq hat joldady.

Aq halatty jandar ashyq hatta koronavırýsqa baılanysty aqparat quraldarynda jarııalanyp jatqan dúnıelerge alańdaýshylyǵyn bildirdi.

«Aqparat quraldarynda jarııalanyp jatqan dúnıeler eldiń úreıin týǵyzýda. Ortalyq telearnalarda jáne túrli saıttarda berilip jatqan jańalyqtar leginiń 70 paıyzy koronavırýsty tipten qubyjyq qyp kórsetedi. Osynaý indettiń túp-tórkinin zerttep, bilikti mamandardyń, Densaýlyq saqtaý mınıstrliginiń aqyl-keńesterin berýdiń ornyna koronavırýsty óte qaýipti indet dep jar salýda. Shyn máninde koronavırýs asa qaýipti ınfeksııa bolyp sanalmaıdy, bul kádimgi JRVI-diń aýyr túri. JRVI men tumaý epıdemııasy ár eki-úsh jylda qaıtalanyp turady, al, pandemııa 20-30 jylda qaıtalanady. Orta eseppen alǵanda Reseıde jyl saıyn pnevmonııadan 30 myń adam qaıtys bolady. Álem boıynsha bul dertpen jyl saıyn 445 mln adam aýyrady. Týberkýlezden jyl saıyn 1 mln 300 myń adam kóz jumady. Al, aqparat quraldary bul indetti tipten qorqynyshty etip kórsetýde. Osynyń saldarynan ınfeksııany juqtyrǵandar dárigerge ózderi baryp kórinýge júreksinedi. Juqtyrǵandary ólimnen basqa jol joq sııaqty kóredi. Osylaısha, psıhıkasy buzylǵan jandardyń ımmýnıteti tómendep, kerisinshe aýrýǵa beıim bolady» degen dárigerler jalǵan aqparattar taratyp, adamdar júıkesine keri áser etýdi toqtatýdy surady. Telearna efırlerinde koronavırýs týraly kórsetiletin dúnıeler 20 paıyzdan aspaýy tıis deıdi olar.

Sońǵy jańalyqtar

Almaty oblysynda jer silkinisi boldy

Aımaqtar • Búgin, 10:40

Aqtóbede 38 armıan kóligi tirkeldi

Aımaqtar • Búgin, 10:30

Túıe súti Qytaıǵa eksporttaldy

Álem • Búgin, 09:45

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Uqsas jańalyqtar