Búgingi tańda kelini Gúljar Japbasovamen birge ulttyq oıý-órnektermen bezendirilgen quraq kórpe, qyz jasaýy boıynsha tapsyrys qabyldap, jeke kásibin dóńgeletip otyr. Osydan eki jyl buryn «Atameken» UKP arqyly 240500 teńge kóleminde grantqa ıe bolǵan.
- Anam buǵan deıin balabaqshada tárbıeshi bolyp jumys istegen bolatyn, - deıdi Gúljar Japbasova. – Keıin ózimizdiń jeke isimizdi damytý týraly oı paıda boldy. Osylaısha men de «Jas kásipker baǵdarlamasyna qatysyp, 505 myń teńge grantqa qol jetkizdim. Álemde oryn alǵan jaǵdaıda biz de óz tarapymyzdan qoǵamǵa úlesimizdi qosý maqsatynda tegin sheberlik saǵatyn ótkizýdi jón kórdik. Ázirge on shaqty adam qatysty. Keıde vıdeosyn telefon arqyly jiberýdi surap jatady. Qandaı da bir suraqtar týyndap jatsa, aqyl-keńes berýge daıynbyz. Kóbi daıyn betperde alǵandy jón kóredi.
Qolónershiler byltyr aqpan aıynan bastap «Dostyq» bazarynyń ishinen oryndy jalǵa alyp keledi. Bolashaqta «Nur-Amı» atelesi jer telimin alyp, jeke orynjaı turǵyzýdy josparlap otyr.
– Jastardyń arasynda túrli órnektermen bezendirilgen, esimderi jazylǵan maskalarǵa suranys bolady, - deıdi «Jas kásipker» jobasynyń qatysýshysy. – Alaıda ol úshin arnaıy qural-jabdyqtar kerek. Buǵan qosa, ýaqytty talap etedi. Maska tigýdiń úlgisin ınstagram jelisinen kórýge bolady nemese WhatsApp arqyly jibere alamyz. Qazirgi tańda kúnine 100-den astam maska daıyndaımyz.
