Koronavırýs pandemııasynyń taralýyn jol bermeý maqsatynda respýblıka aýmaǵynda tótenshe jaǵdaı jarııalaǵany barshańyzǵa belgili.
– Osyǵan baılanysty qala turǵyndaryn úıde bolýdy, asa qajettilik bolmasa kóshege shyqpaýǵa jáne barlyq sanıtarlyq jáne gıgıenalyq normalardy saqtaýǵa shaqyramyz. Úıde turmystyq órtterdi, ýly jáne tabıǵı gazben ýlanýdy boldyrmaý maqsatynda elektr jáne basqa da quraldardy paıdalaný kezinde barlyq qaýipsizdik sharalaryn nemese órt qaýipsizdigi talaptaryn saqtaýdy suraımyz.Shymkent qalalyq TJD jeke quramy kúsheıtilgen túrde qyzmet atqarýda. Departamenttiń jeke quramy barlyq betperdeler men dezınfeksııalyq quraldarmen qamtylǵan.
Departamenttiń barlyq baǵynysty bólimshelerinde dezınfeksııalyq jumystar atqarylǵan, qazirgi tańda árbir 2 saǵat saıyn úı-jaılar men jabdyqtardy zalalsyndandyrylady, - dedi Nurbolat Derbisov.
Sondaı-aq, engizilgen shekteý sharalardy halyqqa jetkizý maqsatynda Departament eki mobıldi avtokólik keshenin uıymdastyrǵan. Belgilengen marshrýt boıynsha daýyszoraıtqysh arqyly shekteý sharalary halyqqa jetkizilýde. Bul baǵyttaǵy jumystar kúndelikti atqarylýda. Sonymen qatar 30 respýblıkalyq jáne jergilikti telearna men 3 radıoarnasyn toqtatyp, Shymkentte engizilgen shekteý sharalary halyqqa árbir 2 saǵat saıyn jetkizilýde.
Shymkent qalasy aýmaǵynda 18 blok-posttar jumys atqaryp, quqyq qorǵaý organdary óz mindetterin atqarýda. Departamenttiń táýlik boıy jumys atqaratyn «101» jáne «112» telefon arqyly halyqtan habarlamalar qabyldanýda. Barlyq telefon habarlamalar boıynsha kómek kórsetilýde.
Shymkent
