«Sizderdiń qaraýlaryńyzǵa 2020 jylǵa arnalǵan makroekonomıkalyq kórsetkishter men bıýdjet parametrleri boljamyn naqtylaý, sondaı-aq «Ulttyq qordan 2020-2022 jyldarǵa arnalǵan kepildendirilgen transfert týraly» Zańǵa ózgeris engizý týraly» Prezıdent Jarlyǵynyń jobasy engizilip otyr. Boljamdy naqtylaýdyń negizgi faktorlary – turaqsyz syrtqy ekonomıkalyq jaǵdaı, baıqalyp otyrǵan jahandyq resessııa jáne koronavırýstyń taralmaýy boıynsha qorǵaý sharalary aıasynda iskerlik belsendiliktiń baıaýlaýy», dedi Rýslan Dálenov Úkimet otyrysynda.
Onyń aıtýynsha, jyl basynan beri munaı baǵasy 66%, metaldar 16%, álemdik derjavalyq ındekster ortasha eseppen 21 %-ǵa tómendedi.
«Bıylǵy jylǵy 1 sáýirdegi jaǵdaı boıynsha munaı baǵasy 1 barreli 22 dollarǵa deıin tómendedi. Osyny eskere otyryp, osy jyldyń sáýir-jeltoqsanǵa munaıdyń ortasha baǵasy 1 barreli 20 dollar deńgeıinde anyqtaldy. Dollardyń esepti baǵamy 440 teńge deńgeıinde jáne jyldyq ınflıasııa 9-11% aralyǵynda esepke alyndy. Baǵanyń tómendeýi aıasynda munaı óndirý boıynsha boljam 86 mln tonnaǵa deıin azaıtyldy. Bul taý-ken ónerkásibi óndirisiniń tómendeýine ákeledi», dedi mınıstr.
