Ekonomıka • 02 Sáýir, 2020

«Pavlodar» arnaıy ekonomıkalyq aımaǵynda ónimniń 30-dan astam túri shyǵarylady

60 retkórsetildi

Oblys  ortalyǵyndaǵy AEA-aýmaǵynda hımııa, munaı-hımııasy, metallýrgııa, metall, plastmassa jáne rezeńke buıymdar, mıneraldy ónimder óndirisi  jumys jasaýda.

Arnaıy ekonomıkalyq aımaq basshysy Álibek Nesipbekovtyń  aıtýynsha, bul óndiris  oryndarynyń  jumysy óńirdiń geografııalyq jaǵdaıyna, óndiristi aımaqtyń áleýetine sáıkes keledi, kadrlar, resýrstar men shıkizat, energetıka salasy damyǵan.

Qazir AEA-ta jalpy quny 291,1 mlrd teńgeni quraıtyn 37 joba júzege asyrylýda. Onyń ishinde 75 mlrd teńgeniń 12 jobasy (4 sheteldik kapıtaldyń qatysýymen) paıdalanýǵa berilgen.

Arnaıy ekonomıkalyq aımaq búginde óziniń ekonomıkalyq tıimdiligin dáleldedi: bıýdjettiń bir teńgesine 10 teńge jeke ınvestısııalar tartylǵan.

AEA qatysýshylarynan salyqtyq aýdarymdardyń kólemi 6,3 mlrd teńgeden asty, aǵymdaǵy jyldyń qorytyndylary boıynsha (boljam +3,5 mlrd teńge), ınfraqurylym qurylysyna barlyq memlekettik shyǵyndar salyq túsimderimen jabylýda.

Aımaqta ónimniń 30-dan astam túri shyǵarylady, óndiris kólemi 120 mlrd teńgeden asqan.

О́nimderiniń jartysynan kóbi jaqyn jáne alys shetelderge Qytaı, Italııa, Germanııa, Ońtústik Koreıa, Japonııa, Iran, Reseı, О́zbekstan, Tájikstan, Qyrǵyzstanǵa eksporttalýda.

AEA aýmaǵynyń klasterlik damýyna erekshe kóńil bólinýde. Belsendi damý kezeńindegi metallýrgııalyq klaster: «Giessenhaus» JShS, «LeichtMetall KZ» JShS jeńildetilgen alıýmınıı óndirisi, «VektorPavlodar» JShS - avtomobıl dońǵalaqtaryn quıý, bıyl reseılik ınvestordyń alıýmınıı dóńgelekterin syrlaý boıynsha sheberhana iske qosylady.

Álibek Nesipbekovtyń aıtýynsha, elimizdiń taý-ken óndirisi úshin mańyzdy ekskavator shelekteriniń tisterin jasaý óndirisiniń qurylysy  júrgizilýde. Klasterdi damytýdyń kelesi kezeńderi prokat alıýmınıı, folga óndirisi bolady.

 

PAVLODAR

Sońǵy jańalyqtar

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

Uqsas jańalyqtar