Bilim • 02 Sáýir, 2020

Nazarbaev Zııatkerlik mektebiniń oqýshysy Garvard ýnıversıtetine oqýǵa tústi

90 retkórsetildi

Almaty qalasy fızıka-matematıka baǵytyndaǵy Nazarbaev Zııatkerlik mektebiniń 12 synyp oqýshysy Sultanáli Nurmanuly Garvard ýnıversıtetine oqýǵa tústi. Sondaı-aq zııatker Rıchmond Ýnıversıteti, Dartmýd kolledji jáne Koreıanyń aldyńǵy qatarly ǵylymı zertteý jáne tehnologııa ýnıversıtetinen shaqyrtý alyp otyr.

JOO-ǵa túsý týraly ótinimderinde negizgi qyzyqtyratyn salalary retinde Sultanáli matematıka men kınotaný ónerin atap kórsetken. Túlek «European Mathematical Cup» kishi lıgasynyń 2 oryn (2016), matematıkadan ótken «Matematıka bez granıs» Olımpıadasynyń kúzgi halyqaralyq týrynyń 1 oryn (2016) jáne aǵylshyn tilinen «Daryn» respýblıkalyq ǵylymı-praktıkalyq ortalyǵy uıymdastyrǵan respýblıkalyq olımpıadanyń 2 oryn ıegeri. Sondaı-aq Sultanáli mekteptiń dramalyq úıirmesine qatysyp, mektep kınoklýbynyń negizin qalaǵan. Úıirme tobymen birge Fransııada ótken «European Festival of Arts and Siences» festıvalinde óner kórsetken. Tórt jyl qatarynan fransýz tilin oqıdy, sonyń arqasynda Fransııanyń ońtústiginde ornalasqan «Centre International de Valbonne» jazǵy mektebine joldama alǵan.

«Matematıkadan jáne aǵylshyn tilinen halyqaralyq jáne respýblıkalyq olımpıadalardyń júldegerimin. Odan bólek, kınematografııany qatty jaqsy kóremin. О́zim túsirgen «Admission» qysqa metrajdy anımasııalyq fılmin erek maqtan tutam. Ony mekteptegi oqýymnan tys aınalysatyn jumysym retinde kórsetken bolatynmyn. Azdap shıki bolǵanyna qaramastan, armanymdaǵy oqýǵa túsýge edáýir áser etti dep oılaımyn. Jazda «Qazaqfılm» kınostýdııasynda ssenarıst Erlan Tóleýtaıdyń mentorlyǵynda bolyp, 3D anımasııany meńgergen bolatynmyn», -  dedi Zııatkerlik mektep túlegi.

Aıta keteıik, ótken jyly Almaty qalasy fızıka-matematıka baǵytyndaǵy Nazarbaev Zııatkerlik mektebiniń eki birdeı túlegi Selımjan Chalyshkan men Aqnazar Qajymurat zııatkerler arasynda alǵash ret Garvard ýnıversıtetiniń grant ıegerleri atanǵan bolatyn.

 

 

Sońǵy jańalyqtar

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

Uqsas jańalyqtar