Bilim • 02 Sáýir, 2020

Taldyqorǵandyq oqýshylar qashyqtan oqýǵa daıyndyqty bastady

12 retkórsetildi

Taldyqorǵandyq oqýshylar 6 sáýirde bastalatyn qashyqtan oqytý úrdisine daıyndalyp jatyr. Qazir qala boıynsha ınteraktıvti bilim berýdiń qyr-syry pysyqtalyp, mektepterdiń ınternetpen qamtylýy jiti tekserilýde.

Jalpy, oblys ortalyǵy boıynsha 26116 oqýshy qaladaǵy mektepterde bilim alady eken. Al 3900 bala qala mańyndaǵy bilim ordalarynda oqıdy. Olarǵa 2481 muǵalim dáris bermek. Taldyqorǵan qalalyq bilim bólimi mamandary onlaın rejıminde sabaq ótýge barlyq jaǵdaı jasalǵanyn aıtady. Iаǵnı, barlyq muǵalimder men oqýshylar úshin ınternet jelisi qoljetimdi eken. Al qashyqtan oqytý 4 baǵyt boıynsha júrgizilmek. Taldyqorǵandyq oqýshylardyń «Elarna», «Balapan» telearnalarynda ótkiziletin telesabaqtarmen qosa, Qazaq radıosy, Qazposhta jáne ınternet jelisi arqyly da qosymsha bilim alýyna múmkindik jasalmaq. Qazir BilimLand saıty, Youtube jelisi, Daryn.online ınternet-resýrstaryn qoldaný boıynsha oqýshylar men ata-analarǵa túsindirý jumysy júrip jatyr.

- Qala mektepterinde oqıtyn balalardyń qashyqtan bilim alýyna bar jaǵdaı jasalýda. Atap aıtqanda, tehnıkalyq qural-jabdyqty qajet etetin az qamtylǵan otbasynan shyqqan 163 oqýshyǵa ýaqytsha paıdalanýǵa noýtbýkter berilse, 200 otbasy «Otau-TV» teledıdar antennasymen qamtyldy. Sonymen birge «Qazaqtelekom» kompanııasymen kelisim shart boıynsha, áleýmettik jaǵynan qorǵalmaǵan 40 otbasy ınternet jelisine tegin qosyldy, - deıdi Taldyqorǵan qalasy ákiminiń orynbasary Sáýle Arzanbekova.

Sońǵy jańalyqtar

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Eltańba tarıhy talqylandy

Rýhanııat • Keshe

Uqsas jańalyqtar