Aımaqtar • 02 Sáýir, 2020

Dolce farm táýligine 70 myń dana medısınalyq maska daıyndaıdy

18 retkórsetildi

Almaty oblysynyń aýmaǵynda juqpaly indetpen kúres sharalary kúshine endi. Talapqa saı endi adamdardyń kóshede, jumys oryndarynda medısınalyq maska taǵyp júrýi mindetteldi. Bul tártip qoǵamdyq kólik pen jeke kóliktegi jolaýshylarǵa da ortaq. Al bul jaǵdaıda betperdege degen suranys artatyny anyq. Qazirdiń ózinde oblys aýmaǵynda maska tapshylyǵy baıqalýda.

Árıne, oblystaǵy óndiris oryndary medısınalyq maska óndirip jatyr. Barlyq aýdandarda  da eriktilerdiń bastamasymen maska tigý isi qolǵa alynyp, turǵyndarǵa tegin taratylýda. Ákimdiktiń yntalandyrýymen jeke adamdar kóp retti tutynýǵa bolatyn maska tigip, tıimdi baǵamen satýdy jolǵa qoıǵan. Tegin taratylatyn maska sany da artyp keledi. Mundaı kómek birinshi kezekte áleýmettik jaǵynan qorǵalmaǵan otbasy músheleri men atqarýshy qyzmette júrgen mamandarǵa kórsetilip jatyr. Mysaly, tek bir ǵana Qaratal aýdanynyń ózinde shaǵyn bıznes ókilderi, bilim mekemeleri men eriktiler óz kúshterimen táýligine 3 myńdaı kóp ret paıdalanatyn maska tigip otyr. Bul jumys Ile aýdanynda da jolǵa qoıylǵan, onda bir táýlikte 20 myń maska daıyndalýda. Al Taldyqorǵanda jekemenshik aptekanyń basshysy 5 myń maskany halyqqa tegin taratqan.

Jaqynda oblys basshysy Amandyq Batalov maska tigýge shaǵyn bıznes nysandaryna memlekettik tapsyrys berý jolyn oılastyrýdy qarastyryp, jeke gıgıenalyq quraldarmen turǵyndardy jetkilikti mólsherde qamtamasyz etý máselesin odan ári shıratýdy tapsyrǵan bolatyn. Al qazir Almaty oblysynda táýligine ázirge 136 myń maska shyǵarylýda.

Medısınalyq maska óndirisin jolǵa qoıǵan kásiporynyń biri Ile aýdanyndaǵy Dolce farm kompanııasy. Seriktestik táýligine 70 000 dana betperde daıyndap, shyǵarýda. Aımaqtaǵy medısına mekemelerin betperdemen qamtyp otyrǵan kásiporyn qaıyrymdylyq jasaýǵa da belsene kiristi. Almaty oblysynyń aýmaǵynda juqpaly indetpen kúres sharalary kúsheıgeli beri Dolce farm bir ǵana Talǵar aýdanyna 17 000 dana betperdeni tegin beripti.

-  Oblysta maska tapshylyǵyn boldyrmaý úshin qoldan kelgenniń barlyǵyn jasap jatyrmyz. Sonyń ishinde «Dolche farm» seriktestiginiń óndirisi toqtaýsyz jumys istep tur. Táýligine 75 myń danaǵa deıin betperde shyǵarýǵa qýaty jetedi. Kúni keshege deıin 159 myń dana medısınalyq maskany qabyldap aldyq, - deıdi Almaty oblystyq kásipkerlik jáne ındýstrıaldy-ınnovasıalyq damý basqarmasynyń basshysy Rýslan Qojasbaev.

Sońǵy jańalyqtar

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Eltańba tarıhy talqylandy

Rýhanııat • Keshe

Uqsas jańalyqtar