«Mysaly, «Jol kartasy-2020» sheńberinde Mańǵystaý oblysynyń aýdandarynda О́ńirlerdi damytý baǵdarlamasy boıynsha 13 jańa mádenıet nysanyn salý jáne 2 nysanda jóndeý jumystaryn júrgizý kózdelip otyr. Jańa qurylystardyń 8-i aýyldyq jerlerdegi klýb tıptes obektiler», - dedi mınıstr.
Sondaı-aq mınıstrdiń aıtýynsha, Almaty oblysynda «Jumyspen qamtýdyń jol kartasy» aıasynda 14 joba júzege asyrylýda. 12 mádenıet obektisinde kúrdeli jóndeý jumystary júrgiziledi, 2 mádenıet obektisin qaıta jańartý josparlanýda.
«Atyraý oblysy Qyzylqoǵa aýdany Oıyl aýylyndaǵy «Shalqyma» mádenıet úıinde kúrdeli jóndeý jumystary júrgiziledi. Qaraǵandy oblysynda jol kartasy aıasynda 927 jumys orny qurylyp, Joshy hannyń tarıhı-mádenı kesheniniń qurylysyn atsalyspaq. Onyń ishinde jumyspen qamtý ortalyqtary arqyly – 463 adam tartylmaq. Qostanaı oblysynda Arqalyq qalasyndaǵy Dala ólkesiniń tarıhı oblystyq murajaıy ǵımaratyna kúrdeli jóndeý júrgizý, Qostanaı aýdanynyń Zarechnyı jáne Oktıabrskoe aýyldarynyń mádenıet úıleriniń ǵımaratyna aǵymdaǵy jóndeý júrgizý josparlanǵan», - dedi mınıstr.
