Koronavırýs • 02 Sáýir, 2020

Almatydaǵy zalalsyzdandyrý jumysyna 2000-nan astam áskerıler jumyldyryldy

30 retkórsetildi

Almatyda Qarýly Kúshterdiń áskerı qyzmetshileri kóshelerdi, ǵımarattardy jáne qoǵamdyq oryndardy jappaı zalalsyzdandyrý jumystaryn jalǵastyrýda.

Bul joly áskerı qyzmetshiler búrký arqyly zalalsyzdandyrý ádisinen bólek ARS-14 avtoquıylmaly stansalary arqyly kóbikpen zalalsyzdandyrý jumystaryn júrgizdi. Búginde qala kósheleriniń 30% arnaıy jýý-zalalsyzdandyrý eritindilerimen jýyldy, dep habarlaıdy Radıoelektronıka jáne baılanys áskerı-ınjenerlik ınstıtýtynyń baspasóz qyzmeti.

«Arnaıy zalalsyzdandyrý eritindileri ǵımarattardy, qoǵamdyq oryndar men kóshelerge arnalǵan. Hımııalyq belsendiligine qaramastan ertindi adamdar men qorshaǵan ortaǵa zııansyz. Osy kúnge deıin arnaıy bólimshe 1500 astam nysandardy zalalsyzdandyryp, bul jumysqa 500 adam tartyldy», - dep atap ótti Radıoelektronıka jáne baılanys áskerı-ınjenerlik ınstıtýty bastyǵynyń orynbasarsy podpolkovnık Darhan Úmbetov.

Qaladaǵy zararsyzdandyrý jumystaryna Almaty garnızony boıynsha barlyǵy 2000-ǵa jýyq áskerı qyzmetshiler tartylǵan. Búgingi kúnge deıin arnaıy bólimsheler qala boıynsha mektepter, balabaqshalar, balalar alańqaılary, aıaldamalar, emhanalar jáne termınaldar syndy kólemi 5 mln 138 002 m2 quraıtyn 465 nysanynda zalalsyzdandyrý jumystaryn júrgizdi.

Is-sharalardy júrgizý úshin jeke quram arnaıy tehnıkamen, gazsyzdandyrý qorǵanys jıyntyǵymen jáne zalalsyzdandyrýshy eritindilermen qamtamasyz etilgen.

Karantın rejımin qamtamasyz etý sharalary aıasynda Qarýly Kúshterdiń áskerı qyzmetshileri kóshelerde jaıaý patrýldeýge jáne qalany aınala qorshaı qoıylǵan blokbeketterde qyzmet atqaryp júrgenderin atap ótken jón.

 

 

ALMATY

Sońǵy jańalyqtar

Almaty oblysynda jer silkinisi boldy

Aımaqtar • Búgin, 10:40

Aqtóbede 38 armıan kóligi tirkeldi

Aımaqtar • Búgin, 10:30

Túıe súti Qytaıǵa eksporttaldy

Álem • Búgin, 09:45

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Uqsas jańalyqtar