Qoǵam • 02 Sáýir, 2020

Azamattarǵa arnalǵan úkimet halyqqa alaıaqtyqtyń jańa túrleri jóninde eskertedi

144 retkórsetildi

Búginde áleýmettik jelilerde kóptegen habarlandyrý paıda boldy, onda qazaqstandyqtarǵa jeke málimetterdi suratý arqyly elektrondy sıfrlyq qoltańbany alýǵa kómektesý usynylady. Sondaı-aq keıbir «pysyq» azamattar bul jaǵdaıdy paıdalanyp, tótenshe jaǵdaı kezinde tabysynan aıyrylǵandardan JSN, ESQ, bank kartasynyń nómirin, tipti onyń pın-kodyn suraı otyryp, áleýmettik járdemaqyny rásimdep berý qyzmetin kórsetýdi usynady.

Azamattarǵa arnalǵan úkimet qazaqstandyqtardy mundaı qyzmetterge júginbeı, olardan bas tartýyn suraıdy.

Jeke málimetterin, sonyń ishinde ESQ-ny bóten adamdarǵa berý arqyly azamattar ózderi jeke derekteri men múlikterine qaýip tóndiretinin túsinýi kerek. Onyń ústine, atalǵan tólem azamattardyń shotynan ózderiniń «qolǵabys etýimen» urlanýy múmkin.

Elektrondyq sıfrlyq qoltańba men onyń qupııasózin alǵan alaıaqtar azamattyń egov.kz-tegi barlyq jeke málimetine qol jetkize alady. Oǵan qosa, olar jalǵan kelisimder jasasý úshin  onyń atyna kásipkerlik ashyp, baspanasyna beıtanys tulǵalardy tirkep, tipten kóligin ózge adamnyń atyna shyǵara alady. Bank kartasynyń PIN-kodyn  alǵannan keıin alaıaqtar ondaǵy barlyq qarajatty sheship alýy múmkin.

Azamattarǵa arnalǵan úkimet qazaqstandyqtardyń onlaın túrdegi memlekettik qyzmetterdiń barlyq máselesi boıynsha,  sonyń ishinde ESQ men jańa áleýmettik tólem túri boıynsha aqysyz túrde jáne esh qaýipsiz 1414 biryńǵaı baılanys ortalyǵynan kómek ala alatyndyǵyn habarlaıdy. Qońyraý shalý tegin. Qazirgi ýaqytta onyń jumysyna halyqqa qyzmet kórsetý ortalyqtarynyń 1800-den astam qyzmetkeri tartylǵan.

Sonymen qatar Facebook áleýmettik jelisinde «eGov pomosh» toby quryldy, onda qarapaıym jeli qoldanýshylary, IT-mamandar jáne halyqqa qyzmet kórsetý ortalyqtarynyń qyzmetkerlerinen turatyn birqatar erikti jınaldy. Olardyń barlyǵy  egov.kz portalynyń belsendi qoldanýshylary, olar memlekettik qyzmetterdi úıden shyqpaı-aq alady jáne elimizde oryn alǵan qıyn sátte ózge azamattarǵa elektrondyq úkimet portalyn paıdalanýdy úıretýge daıyn. Sondaı-aq eriktiler azamattardan esh jeke derekterin talap etpeıdi, tek suraqtaryna jaýap berip, paıdaly keńester berý arqyly memlekettik qyzmetti alýǵa kómektesedi.

Eger azamat eskertýimizge qaramastan, aqyly túrde kúmándi «kómekshilerdiń» qyzmetterin paıdalanyp úlgerse jáne jeke málimetterin berse, Azamattarǵa arnalǵan úkimet olarǵa ESQ-nyń qupııasózin pki.gov.kz-tegi jeke kabıneti arqyly ózgertýdi nemese kiltterdiń kúshin joıýdy usynady.

Sońǵy jańalyqtar

Almaty oblysynda jer silkinisi boldy

Aımaqtar • Búgin, 10:40

Aqtóbede 38 armıan kóligi tirkeldi

Aımaqtar • Búgin, 10:30

Túıe súti Qytaıǵa eksporttaldy

Álem • Búgin, 09:45

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Uqsas jańalyqtar