Sýrette: Konveırden kórinis
Bul rette qaıta qurýdyń eki kezeńin artqa tastaǵan Shalqar mıneraldy sý zaýyty ınvestısııalyq qarajat kózi esebinen boı kótergenin aıtqan jón. Iаǵnı oǵan jumsalǵan ınvestısııalyq soma kólemi 580 mıllıon teńgeni quraıdy. Al el ıgiligi men turǵyndardyń taza tabıǵı ónim tutynýy turǵysynan kelgende onyń paıdasyna esh qandaı baǵa jetpeıdi dese de bolady. Syńǵyrlaǵan óndiristik-tutyný kásipornyna toqsan adamdy jumysqa tartý belgilengen. Osy arqyly jergilikti qarapaıym turǵyndar óz otbastaryna tabys túsirip, áleýmettik turmystyq jaǵdaılaryn jaqsarta alatyny anyq.
- Koronavırýs indeti kesirin tıgizbegende jańadan qurylǵan Shalqar mıneraldy sý zaýyty óz qyzmetin bastap ketken bolar edi. Amal qansha osyǵan baılanysty ázirge kásiporyn kidirip tur. Degenmen bul ýaqytsha qubylys dep sanaımyz. Qaýipti dertti de jeńip shyǵarmyz. Sol kezde jańa zaýyt óz tutynýshylaryna esigin aıqara ashatynyna senim mol, - deıdi óńirde balamasy joq nysannyń turǵyzylýyna qarjylaı qoldaý kórsetken beldi de belgili kásipker, Aqtóbe oblystyq maslıhatynyń depýtaty Berdibek Shákirbekuly.
Laıymda solaı bolǵaı.
Aqtóbe oblysy
Shalqar aýdany
