Polıseıler, veterınarııa jáne sanıtarlyq-epıdemıologııalyq qyzmetter kezekshilik atqaryp jatqan beketter óz jumysyn 1 sáýirge qaraǵan túnnen bastady. Oblys ortalyǵyna kiretin barlyq azamattardy polısııa qyzmetkerleri tirkeıdi, kelý sebepterin anyqtaıdy. Sanıtarlyq dárigerler dene qyzýyn ólshep, azamattardyń hal-jaıyn suraıdy. «Osyndaı shekteý sharalary kólikter legin azaıtýǵa baǵyttalǵan. Koronavırýstyq ınfeksııanyń taralmaýynyń aldyn alýǵa baǵyttalǵan májbúrli sharalarǵa adamdar túsinistikpen qarap jatyr», - dep atap ótti oblystyq Polısııa departamentiniń bastyǵy, polısııa polkovnıgi Marat Tólebaev.
«Barlyq is-sharalarǵa esh qarsylyǵymyz joq, bárin de túsinemiz. Otbasylarymyz úıde, al biz jumys istep júrmiz», - deıdi júk kólikteriniń júrgizýshileri.
Oblys ákimi Qumar Aqsaqalov bekitken shekteý sharalary 1 sáýirden bastap engizilgen. Petropavl qalasy men oblys aýdandary arasyndaǵy jolaýshylar tasymaly da toqtatyldy. Azamattardyń ózderiniń turǵylyqty mekenjaılaryna oralýyna 2 sáýir kúngi túngy saǵat 12-ge deıin ruqsat berilgen.
Soltústik Qazaqstan oblysy
