Aımaqtar • 02 Sáýir, 2020

Aqmola oblysynyń birqatar aýdanynda qozǵalys toqtatylady

19 retkórsetildi

О́ńirlik kommýnıkasııalar qyzmetinde ótken brıfıngte Aqmola oblystyq taýarlar men kórsetiletin qyzmettiń sapasyn jáne qaýipsizdigin baqylaý departamentiniń basshysy Aınagúl Mýsına oblysymyzda koronavırýstyń jańa derekteri tirkelgenin jarııa etti.

– Búgingi tańda oblysymyz boıynsha 19 adamnyń koronavırýs juqtyrǵany anyqtaldy. Olardyń barlyǵy koronavırýs juqpasyna baılanysty emhanaǵa jatqyzylǵandarmen baılanysta bolǵan adamdar. Koronavırýsten qaza tapqan Qosshy aýylynyń turǵynymen baılanysta bolǵan bes adamda atalǵan juqpa rastaldy, – ­dedi Aınagúl Sovetqyzy.

Sondaı-aq Nur-Sultan qalasynda koronavırýs juqtyrǵan azamatpen baılanysta bolǵan bes turǵynda da koronavırýs anyqtalyp otyr. 1 sáýirge deıingi jaǵdaı boıynsha, Kókshetaý qalasynda jáne Shortandy aýdanynda da bir-bir derekten tirkelgeni brıfıngte aıtyldy.

– Epıdemıologııalyq jaǵdaıdyń kún sanap kúrdelenýine baılanysty men oblys aýmaǵynda qosymsha shekteý sharalaryn engizý týraly qaýly shyǵardym. Soǵan sáıkes, 3 sáýir kúni saǵat 19.00-den bastap Selınograd, Shortandy jáne Arshaly aýdandarynda qozǵalys toqtatylatyn bolady. Aýdanǵa kiretin joldarǵa blok beketter qoıylady. Atalmysh óńirlerge aýdan ómiri úshin mańyzdy, ásirese azyq-túlik tasymaldaıtyn kólikterden basqa, kez-kelgen kólikter kirip, shyǵa almaıdy. Sol sekildi oblys ortalyǵyna kiretin joldarǵa da blok-beketter ornatylady. Iri sýpermarketterdiń de jumysy toqtatylady. Tek, jaqyn mańaıdaǵy azyq-túlik satatyn dúkender ǵana jumys isteıdi. Dalaǵa maskasyz shyǵýǵa tyıym salynady, – dedi oblysymyzdyń bas memlekettik sanıtarlyq dárigeri.

Sonymen qatar Aınagúl Mýsına keıbir ata-analardyń elimizde koronavırýs pandemııasynyń taralýyn toqtatýǵa baılanysty qolǵa alynǵan sharalarǵa beıqam qaraıtynyn synǵa aldy. Jarııalanǵan karantınge qaramastan, balalar oıyn alańdarynda júr. Kámelettik jasqa tolmaǵan balalardyń syrtqa ata-anasyz shyǵýyna tyıym salynǵan. Osy oraıda, oblysymyzdyń bas memlekettik sanıtarlyq dárigeri oblys turǵyndaryn epıdemıologııalyq saqtyq sharalaryn qatań ustanýǵa jáne qoǵam belsendilerin, úkimettik emes uıym ókilderin osynaý mańyzdy istiń bir jaǵynan shyǵysýǵa shaqyrdy.      ­

Sońǵy jańalyqtar

Almaty oblysynda jer silkinisi boldy

Aımaqtar • Búgin, 10:40

Aqtóbede 38 armıan kóligi tirkeldi

Aımaqtar • Búgin, 10:30

Túıe súti Qytaıǵa eksporttaldy

Álem • Búgin, 09:45

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Uqsas jańalyqtar