Qazaqstan • 02 Sáýir, 2020

Kóktemgi egiske kóp qalǵan joq

21 retkórsetildi

Kóktemgi egiske daıyndyq naýqanyna elimizdiń astyqty óńiri – Soltústik Qazaqstan oblysy da kirisip ketti. Bıyl bizdiń oblys 4 mln gektar jerge astyq, 250 myń gektarǵa maıly daqyldar ekpekshi.

Oblys dıqandary jyldan jylǵa tyńaıtqysh qoldanýdy da arttyryp otyr. Jer jaryqtyqtyń qunary jyldan jylǵa azaıyp barady, tek tyńaıtqysh qana onyń nárin arttyrady. Sondyqtan dıqannyń tyńaıtqysh alýǵa degen suranysy óse túsýde. Memleket sharýanyń talabyn qoldap otyr, bıyl bul jumysqa 5,5 mlrd. teńge sýbsıdııa qarastyrylǵan. Byltyrǵymensalystyrǵanda bul 1 mlrd. teńgege artyq. Sýbsıdııa túrli zııankesterdi qurtýǵa da beriledi. Oblys ákimi Qumar Aqsaqalov 2022 jyldan bastap pestısıd pen gerbısıdke beriletin sýbsıdııa 11 mlrd teńgege deıin artatynyn jetkizdi. «Bizdiń usynysymyzdy Memleket Basshysy qoldap, sýbsıdııa kólemin arttyrýǵa qol jetkizip otyrmyz. Tek endi sony tıimdi paıdalaný bizdiń mindet. Barynsha tıimdi, sapaly hımıkattar tabýymyz kerek. Arzan dep usynylǵan keıbireýleriniń paıdasy joq, ol tek aqshany jelge shashý. Bul is boıynsha Aýylsharýashylyǵy mınıstrligimen de kelisý kerek», dedi ákim jýyrda bolǵan oblys ákimdiginiń otyrysynda.

Dıhannyń zárý máseleleriniń biri – ozyq tehnıkaǵa qol jetkizý. Qazirgi tehnıkalardyń kóbi eskirgen. Jaqyn shetelderden keletin tehnıka sapasyz, jıi aýystyrýǵa týra keledi. Sondyqtan kiris-shyǵysyn esepteýge mamandanyp alǵan dıhandar memlekettiń kúshimen barynsha sapaly, birneshe jyl boıy tıimdi jumys isteı alatyn alys shetelderdiń ozyq tehnologııaly tehnıkalaryn alýǵa qushtar.

Bıyl oblys 2 myń dana jańa tehnıkalar satyp almaqshy. Oǵan memlekettik bıýdjetten 40 mlrd. teńge qarastyrylyp otyr. Osy qarajat tıimdilikpen jumsalsa dıhan qaýymy bıyl mashına-traktor parkyn birshama jańartyp almaqshy.

Al ázirge, bıylǵy kóktemgi dala jumystaryna barlyǵy 13,7 myń traktor, 16 myń seıalka, sondaı-aq joǵary sapaly, damyǵan shetelderden alynǵan 1,2 myń sebý keshenderi daıyndyq sapynda tur. Sonyń ishinde, bıylǵy jyldyń basynan 5,3 mlrd. teńgege satyp alynǵan jańa tehnıkalar da bar.  Ákimdiktiń otyrysynda Q.Aqsaqalov: «Biz byltyr 1897 dana jańa tehnıka satyp alyp, mashına-tehnıka parkyn 3 paıyzǵa jańartqan bolatynbyz. Osy kórsetkishti jyl saıyn 6 paıyzǵa jetkizýimiz kerek», dedi.

Sonymen birge qosalqy bólshekter jetkizýdi tıimdi uıymdastyra bilgen jón. Qazir eń qajetti degen bólshekterdiń tizilimderi jasalyp, saýda oryndaryna jetkizilgen. Bólshek-saýda dúkenderi sharýa qala kóshelerinde qańǵalaqtap júrmes úshin, tek shahardyń kireberisterge qonystandyrylǵan.Olar shekteý sharalaryna qaramaı, úzilissiz jumys isteıtin bolady.

Degenmen aýdan ákimderi bul iske jiti qarap, sharýanyń qajettilikterin bilip otyrǵany abzal. Oblystyq ákimdiktiń otyrysynda Qumar Aqsaqalov osyny da atap eskertti.

Bıylǵy kóktem erte shyqty. Qazirdiń ózinde qar 3 eseden artyq azaıǵan. Sáýir bastalǵaly kún tez jylyp ketti, qazirgi sátte Petrpavldyń jylylyǵy 10 gradýstan asyp tur. Alaıda tasqyn bolý qaýpi áli de azaıǵan joq. Atalmysh otyrysta osy másele de qaralyp, qarǵynǵa qarsy áreketter azaıtylmaýy qajettiligi atap kórsetildi.

Kóktemgi egis jumystary Soltústikte mamyrdyń ortasyna qaraı bastalady. Biraq kún tez jylyp, topyraq tuqymdy óndirýge múmkindik alsa, onyń erte bastalýy da múmkin. О́ıtkeni, topyraqtyń ylǵalynan aırylyp, qatty qurǵap ketpeýin de dıhan qatty qadaǵalap otyrady.

Soltústik Qazaqstan oblysy

Sońǵy jańalyqtar

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Uqsas jańalyqtar