Ekonomıka • 02 Sáýir, 2020

Shaǵyn jáne orta bızneske arnalǵan kredıtteý baǵdarlamasy bastaldy

43 retkórsetildi

 

Qazaqstannyń 12 banki Memleket basshysy Qasym-Jomart Toqaevtyń tapsyrmasyn qoldap, tótenshe jaǵdaıdyń engizilýine baılanysty qarjylyq ahýaly tómendegen shaǵyn jáne orta bıznesti qoldaýǵa arnalǵan jeńildetilgen kredıtteý baǵdarlamasyn iske asyrýǵa kiristi.

Jalpy alǵanda, bul baǵdarlamany iske asyrý úshin Ulttyq Bank 600 mıllıard teńge bóldi.

Ulttyq Bank  Qarjy naryǵyn retteý jáne damytý agenttigimen birlesip ázirlegen baǵdarlamaǵa sáıkes shaǵyn jáne orta bıznes ókilderi, sondaı-aq dara kásipkerler aınalym kapıtalyn tolyqtyrý úshin jyldyq 8%-dan aspaıtyn mólsherleme boıynsha 12 aı merzimine kredıt alýǵa bankterge ótinish jasaı alady.

Bıznes qaryz qarajatyn taýarlardy jáne ózge de materıaldyq qundylyqtardy, jumystardy, qyzmetterdi satyp alýǵa; qorlardy, shyǵys materıaldary men shıkizatty tolyqtyrýǵa; assortımentti keńeıtýge; sharttyq mindettemelerdi oryndaýǵa; aǵymdaǵy shyǵystardy, onyń ishinde ákimshilik shyǵystaryn júzege asyrýǵa, mysaly, qyzmetkerlerge jalaqy tóleýge, salyqtar tóleýge jáne t.b. jumsaı alady.

Kásipkerler kredıttik jeliler sheńberinde jańa qaryzdar ne jańa qarjylandyrý ala alady.

Jeke kásipker úshin belgilengen lımıt 50 mln teńge, al shaǵyn jáne orta bıznes kásiporyndary úshin 3 mlrd teńgeni quraıdy.

Bul rette, jeńildetilgen kredıtteý baǵdarlamasy eshqandaı salalyq shekteýlerdi kózdemeıdi.

Qaryz talaptaryn buzǵany jáne (nemese) ózgertkeni úshin óndirip alynatyn komıssııalardy qospaǵanda, baǵdarlama sheginde qaryzdy bergeni jáne qyzmet kórsetkeni úshin komıssııa alynbaıdy.

Tómende kórsetilgen jaǵdaılar: tótenshe jaǵdaı rejımi kezeńinde jáne ol toqtatylǵannan keıingi 2 aı ishinde ótkizilgen taýarlardyń jáne (nemese) qyzmetterdiń kóleminiń azaıýy, satyp alýshylar tarapynan tólemderdiń keshiktirilýi, qyzmetkerlerdiń shtat sanynyń qysqarýy jeńildetilgen nesıe alýǵa sebep bola alady.

Qaryz alý úshin qajetti negizgi qujattar tizbesi

-  Kepilgerdiń (jeke tulǵa) jeke basyn kýálandyratyn qujat;

- Quryltaı qujattarynyń toptamasy;

- Memlekettik tirkeý týraly kýálik, ne tirkeý esebine alynǵanyn rastaıtyn ózge qujat;

- Qol qoıýdyń úlgileri jáne mór bederiniń úlgisi bar (mór – bolǵan kezde) qujat;

- Ýákiletti organnyń qarjylandyrýdy tartý týraly sheshimi;

- Sońǵy esepti jyldyń qarjylyq eseptiligi;

- Salyqtar jáne bıýdjetke tólenetin basqa da mindetti tólemder boıynsha bereshektiń bolýyn nemese bolmaýyn rastaıtyn qujat;

- Basqa bankterde nesıelik bereshektiń bolmaýy/bolýy týraly málimetter;

- Kepil (kepildik qaryzdar) boıynsha qujattardyń toptamasy.

- Shaǵyn jáne orta kásipkerlik sýbektisiniń qarjylyq ahýalynyń nasharlaýy týraly aqparat.

Tolyq qujattar toptamasy men qujattardy qabyldaý arnalarynyń jańartylǵan tizimin bankterden naqtylaý qajet.

1. Jysan Bank - sall center 7711;

2. Alfa Bank - sall center 2510, WhatsApp táýlik boıy +7 771 936 11 11;

3. VTB - +7(727)330-50-50, uıaly telefonynan  5050;

4. Nurbank - sall center 2552;

5. Sberbank - 8 8000 80 60 60  - Qazaqstannyń barlyq óńirleri úshin (tegin jeli); 5030 – Qazaqstannyń mobıldi operatorlary úshin (tegin jeli); Servıs jáne ónimder boıynsha júginý - post@sberbank.kz;

6. Bank RBK  -  sall center 7888 (tegin);

7. Forte Bank - sall center 7575. Banktiń TJ rejımindegi jumysy týraly aqparat jáne jańalyqtar arnaıy paraqshada jańartylyp otyrady https://forte.kz/covid19;

8. Halyk Bank - sall center 9595;

9. ATFBank - sall center 2424, onlaın chat WhatsApp 9:00-den 21:00-ge deıin (+7 705 776 88 62);

10. SentrKredıt Banki - +7 (727) 244 30 44, 605 – uıaly telefon arqyly tegin;

11. Eýrazııalyq bank - e-mail: contactcenter@eubank.kz; Skype: skype.eubank.kz; mobıldi nómirler: Beeline  +7 (771) 000 77 22; Tele2-Altel +7 (700) 000 77 22; ActivKcell +7 (702) 000 77 22;

12. Altyn Bank +7 (727) 356 57 77, +7 771 330 57 77 WhatsApp arqyly.

Sońǵy jańalyqtar

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Uqsas jańalyqtar