Qoǵam • 02 Sáýir, 2020

Erlan Sydyqov: Anyq jol, aıqyn jospar – eldiktiń belgisi

332 retkórsetildi

Tótenshe jaǵdaı men memlekettiń daǵdarysqa qarsy is-sharalaryna baılanysty Prezıdent Q.K.Toqaevtyń respýblıka telearnalarynan jasaǵan málimdemesi asa mańyzdy jáne kókeıkesti dep bilemiz. О́ıtkeni osynaý jaýapty kezeńde jurtshylyq shynaıy da bilikti aqparattyń ǵana emes, senim men áleýettiń qýatyn qajetsinip otyr.

Aıta ketý kerek, Memleket basshysy men Úkimet jahandyq qaýip – koronavırýs pandemııasy elimizge jetpeı turyp, vırýs indetiniń aldyn alýǵa qatysty keshendi jumystardy bastap ta ketken edi. Halqymyzda «Jaý aıtyp kelmeıdi» degen beıneli naqyl bar. Sol aıtqandaı, ǵalamdaný zamanynda koronavırýstyń alapat qıyndyq týǵyzatynyn sezsek te, onymen kúrestiń aqyl men bilikke, birlik pen kúsh-jigerge arqa súıeıtinin jáne onyń úılestirýshisi – memleket ekenin baıyptaǵanbyz.

Álemdik deńgeıde tájirıbesi mol, sarabdal tulǵa Elbasy da halyqqa arnalǵan 20 naýryzdaǵy Úndeýinde: «Osyndaı aýyr kezeńde men barlyq qazaqstandyqtardy el Prezıdenti Qasym-Jomart Toqaev pen Úkimet tarapynan iske asyrylyp jatqan shuǵyl sharalardy qoldaýǵa shaqyramyn. Maqsat – bizdiń azamattarymyz ben memleketimizdiń múddesin qorǵaý» dep atap kórsetti.

Rasynda, koronavırýsqa shaldyqqan alǵashqy naýqas anyqtalǵan 13 naýryzdan bastap árbir kún, árbir saǵat, árbir mınýt 18 mıllıon 400 myńǵa jýyqtaǵan Qazaqstan halqy úshin zor synaq bolyp tur. Memleket basshysy aıtqandaı, «Biz dúrbeleń týdyrýǵa jol bermeımiz. Dál osy kezde halyq memleketke qoldaý kórsetýi kerek. Bul asa mańyzdy. Koronavırýs – batpandap kirip, mysqaldap shyǵatyn qaýipti dert».

Prezıdent Q.K.Toqaevtyń 31 naýryz kúngi halyqqa arnalǵan málimdemesindegi myna tujyrym men toqtamdardy aıryqsha ataǵymyz keledi.

Birinshiden, memleketke el senim arttyratyn júıeli jumystar kesheni aıqyndaldy.

Ekinshiden, ekonomıkalyq daǵdaryspen jáne qıyndyqtarmen kúrestiń naqty amaldary belgilendi.

Úshinshiden, halyqqa, onyń áleýmettik jaǵynan az qorǵalǵan bóligine kómektesýdiń oraıly joly sheshildi.

Tórtinshiden, tyǵyryqqa tirelgen bınestiń qoltyǵynan demeý jáne jumysssyzdyqtyń aldyn-alý sharalary jarııa etildi.

Besinshiden, otandyq medısınaǵa jan-jaqty memlekettik qamqorlyqtyń tujyrymdamasy jáne izashar isteri shegelendi.

Altynshydan, halyqty azyqpen qamtamasyz etetin aýyl sharýashylyǵy jumystaryna, ásirese kóktemgi egis sharalaryna shuǵyl, júıeli kómek kórsetý tapsyrmalary málim etildi.

Jetinshiden, daǵdyrystan shyǵý jolyndaǵy álem men el, ortalyq pen óńir arasyndaǵy mańyzdy da qaýyrt is-sharalardyń jón-jobasy usynyldy.

Memleket basshysynyń: «Inflıasııanyń artýyna baılanysty zeınetaqy, memlekettik járdemaqy jáne ataýly áleýmettik kómek mólsherin 10 paıyzǵa ındeksasııalaýdy tapsyrdym. Osyǵan oraı, atalǵan sanattaǵy azamattardyń tabysyn arttyrý úshin memleket tarapynan 200 mıllıard teńgeden astam qarajat bólinedi», sondaı-aq: «3 mıllıonǵa jýyq azamatymyzǵa qoldaý kórsetiledi. Turmysqa qajetti zattar men azyq-túlikti tegin alatyn azamattardyń qatary kóbeıedi. Mundaı kómekti múgedekter jáne jumyssyz retinde tirkelgen azamattar da ıelenedi» sekildi qadaý-qadaý dáıekteri, «Shaǵyn jáne orta bıznes ókilderin bıylǵy 1 qazanǵa deıin eńbekaqy tóleý qorynan ustalatyn salyqtan bosatýdy tapsyramyn», «Kóktemgi egis naýqany úshin «Qarapaıym zattar ekonomıkasy» baǵdarlamasy arqyly qosymsha 100 mıllıard teńge bólýdi tapsyramyn» t.b. jiti qunttaýlary osy saladaǵy mıllıondaǵan azamattardy jigerlendirdi dep esepteımiz.

Biz – joǵary bilim salasynyń mamandarymyz. Sondyqtan eldiń ál-aýqaty men ekonomıkasyna ǵylym kózimen qaraý – mindetimiz. Bul turǵydan kelsek te, úndeýdiń júıeliligi men aýqymdylyǵy daǵdarys salmaǵyn da, soǵan baılanysty amal-tásilder áleýetin de naqty túsindirip tur.

L.N.Gýmılev atyndaǵy Eýrazııa ulttyq ýnıversıteti – 24 myńǵa jýyq adamnan turatyn irgeli ujym. Memleket pen úkimet tapsyrmasymen búginde qashyqtan oqytýdy sátti júrgizip jatyrmyz. Muny júıelegen Bilim jáne ǵylym mınıstrligi barshamyzdy eldik múdde tóńiregine toptastyra bildi.

Oqytýshy-ǵalymdarymyz ben bilim alýshylarymyzdyń kóńil-kúıi, arman-ıeti Otanymyzdyń tilegimen úndesedi. Úndeýde shydamdylyq, tózimdilik, jaýapkershilik jaıyn erekshe aıtqan Qasym-Jomart Kemelulynyń «Bul synaqtan da súrinbeı ótip, qıyndyqty birge eńseremiz!» degen tujyrymy bizdi odan saıyn serpilte túsedi.

Anyq jol, aıqyn jospar – eldiktiń belgisi. Qazaqstan joly osyny aıqyndaıdy.

Erlan Sydyqov,

L.N.Gýmılev atyndaǵy

Eýrazııa ulttyq ýnıversıtetiniń

rektory, akademık

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar