Aımaqtar • 02 Sáýir, 2020

Túrkistanda qylmystyq quqyq buzýshylyq 27,2 paıyzǵa azaıǵan

10 retkórsetildi

Túrkistan qalasy boıynsha jyl basynan beri 258 qylmystyq quqyq buzýshylyq tirkelgen. Iаǵnı ótken jylǵy osy kezeńmen salystyrǵanda 27,2 paıyzǵa azaıǵan.

Qylmystyń aldyn alý maqsatynda Túrkistan qalasynyń polısııa basqarmasynda buryn sotty bolǵandar sanatynyń tizimdik esebinde turǵan azamattarǵa ýchaskelik polısııa ınspektorlary krımınaldy polısııa qyzmetkerlerimen birlesip, profılaktıkalyq jumystar júrgizgen. Eki aıda  ótkizilgen 23 reıdtik shara da qylmys sanyn azaıtýǵa septigin tıgizgen. Atap aıtsaq, qaraqshylyq – 100 paıyzǵa, tonaý – 55,6, buzaqylyq – 27,3, urlyq – 19,6 paıyzǵa tómendegen. Bul derekterdi qala ákimi R.Aıýpovtyń tóraǵalyǵymen ótken aptalyq májiliste  jergilikti polısııa qyzmeti basshysynyń mindetin atqarýshy A.Toqbergenov málim etti.

Degenmen, jyl basynan beri qoǵamdyq orynǵa mas kúıinde kelý, búldirý, lastaý, túngi tynyshtyqty buzý, belgilenbegen orynda temeki shegý syndy zań buzýshylyqtar jıi anyqtalǵan. Bul oraıda urlyq kóp jasalatyn oryndar, jol erejesi jıi buzylatyn kósheler anyqtalyp, ol jerlerge beınekameralar ornatylatyn bolady. Aptalyq májiliste qala ákimi R.Aıýpov jergilikti polısııa qyzmetiniń atqarǵan jumystaryna kóńili tolmaıtynyn aıtyp, tıisti qorytyndy shyǵarý qajettigin eskertti.

Sońǵy jańalyqtar

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar