Qoǵam • 02 Sáýir, 2020

Nur-Sultanda 1099 jumysker áleýmettik járdemaqy aldy

17 retkórsetildi

Nur-Sultanda jumyspen qamtý máseleleri jónindegi shtab quryldy. Munda aqysyz eńbek demalysyna jiberilgen azamattarǵa áleýmettik járdemaqynyń tólenýine qatysty onlaın keńes alýǵa bolady, dep habarlaıdy elorda ákimdiginiń resmı saıty.

Búgingi tańda shtabtyń qaraýynda 3 885 jumyskerdi aqysyz eńbek demalysyna jibergen jumys berýshiler tarapynan 1104 aryz jatyr. 224 jumys berýshi tarapynan MÁSQ tólemderin alýǵa 1099 jumysker jiberildi.

Elorda ákimdiginde belgili bolǵandaı, qazirgi tańda Nur-Sultanda aqysyz eńbek demalysyna jiberilgen azamattarǵa memlekettik áleýmettik saqtandyrý qorynan 1 aılyq jalaqy mólsherinde járdemaqy taǵaıyndaý sharalary bastalǵan.

Shtab quramynda aımaqtyq «Atameken» kásipkerler palatasynyń, kásipodaq, memlekettik kirister komıtetteriniń, sondaı-aq, jumyspen qamtý jáne áleýmettik qorǵaý, qalalyq orta sapasy men baqylaý basqarmalarynyń ókilderi bar.

Tótenshe jaǵdaı kezinde memleketten 42 500 teńge mólsherinde áleýmettik tólemaqy alýǵa alǵashqylardyń biri bolyp Býbnovskıı medısınalyq klınıkasynyń qyzmetkerleri ótinim bergen. «Bizdiń memleket kásipkerlerge kómek berýge qatysty durys sheshim qabyldady. Biz ótinimdi jedel túrde joldadyq. Eki saǵat ishinde qandaı qujattardy daıyndaý kerektigin bildik. Bizdiń qyzmetkerler kesheden beri atalmysh járdemaqyny alyp jatyr. Bizdiń Prezıdentimizge osyndaı kómegi úshin alǵysymdy bildirgim keledi. Bul – der kezinde jasalǵan jedel kómek», – dedi klınıka basshysy E.Adasbaev.

Eske salaıyq, Qazaqstan Prezıdenti Qasym-Jomart Toqaev tótenshe jaǵdaıdyń engizilýine baılanysty kirisinen aıyrylǵan azamattarǵa 1 aılyq jalaqy mólsherinde járdemaqyny tóleýge qatysty sharalardy júzege asyra bastaýdy tapsyrǵan bolatyn.

Memleket basshysy óz málimdemesinde tabysynan aıyrylǵan azamattarǵa eń tómengi jalaqy mólsherinde qoldaý alatyn azamattardyń sanatyn keńeıtýdi tapsyrǵynany aıtty. «Soǵan oraı, bul qoldaýǵa ózin-ózi jumyspen qamtyǵandar men resmı tirkelmeı jumys isteıtinder de ıe bolady. Bul kómek belgilengen tártip boıynsha shyn máninde muqtaj adamdarǵa ǵana beriledi», - dedi ol.

Sońǵy jańalyqtar

Jatyr moıny obyrynyń aldyn alady

Medısına • Búgin, 06:57

Zulmat zardaby

Tarıh • Búgin, 06:54

Jaýapkershilik júgi aýyr

Koronavırýs • Búgin, 06:50

Qala damýyna qarqyn beredi

Ekonomıka • Búgin, 06:46

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Indetti tártip jeńedi

Koronavırýs • Búgin, 06:31

Uly náýbet: qasireti men taǵylymy

Tarıh • Búgin, 06:30

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar