Ásirese, qazirgideı kezeńde dalada egin salyp, mal baǵyp otyrǵan sharýa qojalyqtaryna barynsha qoldaý kórsetilse deımin. О́zim biletin sharýa adamdaryna ótken jyly demeýqarjy berilgen joq. Ekonomıka turalaıdy dep álem shýlap, dabyl qaǵyp jatqan mezgilde bizdiń dalamyz nazardan tys qalmaýy kerek. Jumyssyzdyq beleń almas úshin qoldan kelgenniń bárin jasaý qajet.
Taǵy bir túıtkildi másele – mektep oqýshylaryn qashyqtan oqytý jaıy. Aýyldarda ınternettiń durys jolǵa qoıylmaǵany belgili. Sondaı jaǵdaıda balalardy qalaı oqytamyz? Bul da – oılanatyn másele. Barsha aǵaıynǵa aıtarym: qazir bárimiz úshin syn saǵaty týyp tur. Úıden shyqpa dese, shyqpaý kerek. Bul – eshqandaı dárige, ǵylymǵa ál bermeı jatqan indet. Endeshe, sodan aman qalýdy oılaý kerek. Indetten aman qalýǵa, bálkim, qaıyrymdylyq, bálkim, ózińdi óziń syılaý mádenıetiń ııa medısınalyq saýattylyǵyń, tazalyqty saqtaı bilýiń kómekteser. Qydyrýdy qoıaıyq, orynsyz júrýdi doǵaraıyq! О́z úıimizdiń qadirin bileıik. Tańda turyp, «Balam, haliń qalaı?», «Anam, haliń qalaı?» deıik bir-birimizge. Úkimetimizdiń aıtqanyn isteıik. Tártipke kóneıik, taǵdyrǵa baǵynaıyq, uly kúshti moıyndaıyq. Aınalaıyn halqym, abaı bolaıyq!
Aqushtap BAQTYGEREEVA,
Memlekettik syılyqtyń ıegeri, Qazaqstan Jazýshylar odaǵy Batys Qazaqstan oblysy bólimshesiniń tóraıymy
