Elorda • 02 Sáýir, 2020

Dárigerlerge alǵys bildirdi

318 retkórsetildi

Nur-Sultanda koronavırýstan saýyǵyp shyqqan azamattardyń sany 16-ǵa jetse, jalpy Qazaqstan boıynsha 27 adamǵa jetip otyr. Dárigerlerdiń baqylaýymen stasıonarda bolǵan pasıentter medısınalyq qyzmetkerlerge kásibı qyzmeti men kórsetken qamqorlyǵy úshin alǵys aıtty.

«Men karantınde 14 kún boldym. Búgin sońǵy kúnim, barlyq medısınalyq qyzmetkerlerge, dárigerlerge alǵys bildiremin. Olar bizge qamqor bola bildi. Tamaqtary óte dámdi. El turǵyndaryna aıtarym: karantındi elemeýge bolmaıdy. Asa jaýapkershilikpen qarańyz! Kúsh-qýatymyz-birlikte!» dedi stasıonarda jatqan pasıent.

Koronavırýs ınfeksııasynyń taralýyna jol bermeý úshin stasıonardan shyqqan pasıentter taǵy 14 kún boıy úı karantıninde bolady.

«Men shetelden ushyp keldim, meni karantınge jatqyzdy. COVID-19 saraptamasynyń nátıjesi teris bolyp shyqty. Karantınde barlyq jaǵdaı jasaldy, óte yńǵaıly boldy. Dárigerler jaǵdaıymdy kúnige tekserip, meniń  temperatýram men dene qysymymdy ólshep jatyr. Kúnine bes ret dámdi tamaq beredi. Elimizdiıýe osyndaı dárigerler men medbıkeler bar ekenine óte qýanyshtymyn» dep taǵy bir emdelýshi medısına qyzmetkerlerine óz alǵysyn bildirdi.

Koronavırýspen kúresip jatqan medısına qyzmetkerleri syıaqy aldy. Prezıdent Q. Toqaevtyń tapsyrmasyn oryndaý aıasynda Memlekettik komıssııa epıdemııaǵa qarsy is-sharalarǵa tartylǵan medısına qyzmetkerleriniń eńbekaqysyna aı saıynǵy bekitilgen ústeme aqy belgileý týraly sheshimdi bekitti.

Tólemder koronavırýsty juqtyrý qaýpi bar úsh top boıynsha 3 aıdyń ishinde júrgiziledi:

«Qaýiptiligi asa joǵary» — reanımasııa bólimshelerin qosa alǵanda, ınfeksııalyq stasıonarlardyń dárigerleri, orta jáne kishi medısına qyzmetkerleri. Ústeme aqy 20 eń tómengi jalaqyny quraıdy (Jalaqynyń eń tómengi mólsheri (JTM), 850 myń teńge).

«Qaýiptiligi joǵary» – provızorlyq stasıonarlar men jedel járdem dárigerleri, orta jáne kishi medısına qyzmetkerleri. Ústeme aqy 10 JTM (425 myń teńge) quraıdy. 

 «Qaýiptiligi ortasha» – karantındik stasıonarlardaǵy dárigerler, orta jáne kishi medısına qyzmetkerleri, sanıtarlyq dárigerler (memlekettik qyzmetkerler), jedel járdem júrgizýshileri jáne t. b. Ústeme aqy 5 JTM (212,5 myń teńge) quraıdy.

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar