Elorda • 02 Sáýir, 2020

«Ramada Plaza» kesheni zararsyzdandyryldy

21 retkórsetildi

Qazirgi tańda koronavırýs ınfeksııasyna shaldyqty degen kúdikke ilingen pasıentterge arnalǵan karatındik stasıonar qurylǵan «Ramada Plaza» qonaq úı kesheniniń aýmaǵynda aýqymdy zararsyzdandyrý sharalary ótkizildi, dep habarlaıdy elorda ákimdiginiń resmı saıty. 

«Bul jerde adamdar karantınde jatqandyqtan, biz zararsyzdandyrý jumystaryna júzden astam adam men mamandandyrylǵan tehnıkanyń 12 birligin jumyldyrdyq. Mundaı sharalardy josparǵa sáıkes aptasyna 2 ret ótkizemiz», – deıdi dezınfeksııalaýshy Qýanysh Tankeev.

Onyń aıtýyna qaraǵanda, nysandardy zararsyzdandyrý úshin paıdalanylatyn hımııalyq quraldyń qorshaǵan ortaǵa zııany joq, ekologııalyq normalarǵa da saı.

Eske salaıyq, «Ramada Plaza» qonaq úı kesheninde qazirgi tańda 800 orynǵa laıyqtalǵan karantındik stasıonar qurylǵan. Munda koronavırýs ınfeksııasyna shaldyqqan naýqastarmen qarym-qatynasta bolǵan azamattar 14 kúndik karantınde jatyr.

Alaıda bul pasıentterden alynǵan analızder vırýstyń joqtyǵyn kórsetti. Olardyń jaǵdaıy dárigelerdiń jiti baqylaýynda. Jalpylaı alǵanda, qaladaǵy zararsyzdandyrý sharalaryna kún saıyn 450-ge jýyq adam qatysady.

Bul jumystarǵa qalalyq qyzmetterden bólek, Qazaqstannyń Qarýly kúshteri bıologııalyq qorǵanys bólimderiniń áskerı qyzmetkerleri jumyldyrylady.

Tazalyq jumystaryn júrgizý barysynda áleýmettik nysandar, bazarlar, sýpermarketter, jaıaý júrginshiler arnalǵan joldar, aýlalar, balalarǵa arnalǵan oıyn alańdary, úılerdiń kireberisteri sııaqty adamdar kóp jınalatyn jerlerge erekshe kóńil bólinedi.

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar