Olımpıadanyń keıinge shegerilýi ońaı tımeıtin tárizdi

Aty jaman aýrý álemdi sharlaǵanǵa deıin túrli jarystarda tabysty óner kór­setken Qazaqstannyń sportshylary 42 lısenzııa alyp úlgerdi. Eń kóp jolda­ma­ny balýandar men boksshylardyń ıe­­len­geni belgili. Árqaısynyń enshi­sin­­­de segiz-toǵyz lısenzııadan bar. Byl­­tyr Nur-Sultanda ótken álem chem­­­pıo­natynda grek-rım kúresinen
Meı­ram­bek Aınaǵulov (60 kılo), Ashat Dil­muhamedov (77 kılo), erkin kúresten Nurıslam Sanaev (57 kılo), Dáýlet Nııaz­bekov (65 kılo), Danııar Qaısanov
(74 kılo), Álisher Erǵalı (97 kılo) jáne áıel­der arasynda Valentına Islamova (50 kılo) men Elmıra Syzdyqova
(76 kılo) sekildi balýandardyń baǵy jan­dy.

Naýryz aıynyń alǵashqy jartysynda Ammanda aıaqtalǵan irikteý týrnırinde Nadejda Rıabes (75 kılo), Sáken Bıbosynov (52 kılo), Serik Temirjanov (57 kılo), Zákir Safıýllın (63 kılo), Abylaıhan Júsipov (69 kılo), Ábilhan Amanqul (75 kılo), Bekzat Nurdáýletov (81 kılo), Vasılıı Levıt (91 kılo) Qam­shybek Qońqabaev (+91 kılo) syndy byl­ǵary qolǵap sheberleriniń asyǵy alshysynan tústi.

Veloshabandozdardyń qorjynyna jeti joldama tústi. Bul sport túrinde lısenzııalar jekelegen adamǵa berilmeıdi. Kún Shyǵys eline naqty kimderdiń barý­ǵa laıyqty ekenin anyqtaý máselesi ult­tyq qurama bapkerleriniń quzyrynda. Son­dyqtan da aldyn ala ton pishpeı, ma­man­dar­dyń naqty sheshimin kúteıik.

Jeńil atletter saıysynda Georgıı Sheıko, Aıman Ratova jáne Olga Rypa­ko­va óner kórsetedi. Júzýshiler jarysyn­da Dmıtrıı Balandın men Vıtalıı Hýdıakov sheberlik baıqasady. Sınhrondy júzýde egiz qyzdar – Aleksandra men Ekaterına Nemıchke senim artamyz. Sadaq atýda Sanjar Musaev, Denıs Gankın jáne Ilfat Abdýllın saıysqa túsedi. Mergen­derdiń «maıdanynda» Sársengúl Rysbe­kova men Iýrıı Iýrkovtyń tileýin ti­leımiz. Bessaıysshylar básekesinde Pavel Ilıashenko men Elena Potapenko boı kórsetedi. Sporttyq gımnastıka­da Mılad Karımı óz ónerin pash ete­di. So­nymen qatar Olımpıada baǵ­dar­la­ma­syna jańadan ǵana engen sport túr­le­rinen de qur qol emespiz. Ol jolda­ma­lardyń ıegerleri – quzǵa órmeleýshi Rıshat Haıbýllın men karateshi Darhan Asá­dilov.

Tokıo Olımpıadasyna joldama al­ǵan­­dar arasynda biraz jasqa kelip qal­­ǵan azamattar da joq emes. Sporttyq ólshem boıynsha olardy ardagerlerdiń sana­tyna jatqyzýǵa bolady. Máselen, úsh qarǵyp seki­rýdi serik etken Olga Rypakova ústi­miz­degi jyldyń 30 qarashasynda 36 jasqa tolǵaly otyr. Onyń esimi úsh birdeı Olımpııa oıyndarynda jeńis tuǵyryna kóte­rilgen jalǵyz sportshy retinde el tarıhynda altyn áriptermen jazýly. Eger Rypakova Tokıoda da júldegerler sana­ty­na qosylsa, árıne, nur ústine nur bolar edi.

Boksshy Zákir Safıýllın men grek-rım kúresi sheberi Ashat Dilmuhamedov túı­deı qurdas. Ekeýi de 1986 jyldyń týma­lary. Sóz joq, irikteý syndarynda olar ózderin jaqsy qyrynan kórsetti. Tokıoda baq synaý qurmetine bólendi.

Boksshy Vasılıı Levıt – 32 jasta, jeńil atlet Georgıı Sheıko men erkin kúres sheberi Dáýlet Nııazbekovtiń jasy 31-de. Bessaıysshy Pavel Ilıashenko men sadaq atýshy Denıs Gankın orda buzar jasta. Osylaı tizbekteı bersek, ult­tyq qurama sapynda «egde tartqan» aza­mattardyń az emes ekenin ańǵaramyz. 

Biraq amal neshik! Koronavırýs der­ti jer-jahandy dúrliktirip, myń­da­ǵan jandy jalmap jatqanda Halyq­ar­a­lyq Olımpıada komıteti (HOK) os­yndaı qadamǵa barýǵa májbúr boldy. HOK-tyń bul sheshimin barsha mem­leket basshylary men laýazym ıe­le­ri, túrli uıymdar men sportshylar, tipten qarapaıym jankúıerlerge deıin qoldady. Sebebi bul jalǵanda adam­nyń ómiri men densaýlyǵynan qundy esh­nár­se joq. Mine, Olımpııa oıyndaryn ótkizý merzimin shegerý jóninde sheshim qa­byldar tusta HOK músheleri dáp osy prın­sıpti basshylyqqa aldy. Biz de bul she­shimdi tolyqtaı quptaımyz!

Tokıo Olımpıadasynyń joldamasyna ıe­lik etken otandastarymyzdyń arasyn­da­ǵy eń eresegi – mergen Iýrıı Iýrkov. Ol 37 jasta. О́zderińiz baıqa­ǵan­daı, Shymkent qalasynyń týmasyn biz joǵa­ryd­aǵy tizimge qosqan joqpyz. О́ıtkeni nysana kózdeýde 40 jastyń ózi naǵyz kemel­­dengen shaq bolyp sanalady.

Sóz oraıy kelgende, kezinde osy sport tú­riniń serkesi bolǵan norvegııalyq Oskar Gomer Svandy eske alsaq esh aıy­by joq dep oılaımyz. 1912 jyly Stokgolmdegi jarystyń jekelegen saıysynda ol qola alsa, komandalyq básekede aldyna jan salmady. Osylaısha 65 jasqa qaraǵan shaǵynda Oskardyń esimi eń qart Olımpıada chempıony retinde tarıhta qaldy. 1920 jyly Belgııanyń Antverpen qalasynda uıymdastyrylǵan dodada kúmis medaldy enshilep, Olımpıada júldegeri atanǵan eń qart sportshy atandy. Ol kezde Oskar 72 jastan asqan edi. Skandınavııalyq surmergen Olımpııa oıy­ndaryna úsh márte qatysyp, barlyǵy 3 altyn, 1 kúmis jáne 2 qolany qorjynǵa saldy. Osy tabystarynyń barlyǵyna ol qartaıǵan shaǵynda qol jetkizdi. Mine, mergen Iýrıı Iýrkovty ardagerler tizimine qospaǵan sebebimiz de sol!