Ekonomıka • 03 Sáýir, 2020

120 mln tonna kómir óndirý josparlandy

7 ret kórsetildi

Elimizdiń kómir óndirýshi kompanııalary aǵymdaǵy jyldyń qańtar-aqpan aılaryn­da 18,3 mln tonna kómir óndirdi. Energııa óndirýshi kásiporyndarǵa 10,4 mln tonna, ónerkásiptik kásiporyndarǵa 936,8 myń tonna kómir jetkizildi. Al kommýnaldyq-turmystyq qajettilikter men halyqqa 1,4 mln tonna kómir jóneltildi. Sonymen qatar eksportqa 4,6 mln tonna kómir jiberildi.

Kómir energetıkalyq jáne ónerkásip­tik kásiporyndarǵa tikeleı shart bo­ıynsha kómir razrezderiniń jóneltilý baǵasymen jiberiledi. Kommýnaldyq-turmystyq tutynýshy­lar jáne halyq­qa kómirdiń negizgi kólemi taýar bır­jalary arqyly satylady. Kommý­nal­dyq-turmystyq qajettilik jáne halyq úshin kómir baǵasy kómir razrezi­niń jóneltý baǵasynan (ázirleý jaǵdaıy­na baılanysty tonnasyna 3-6 myń teńge), tasymaldaýǵa ketken temir jol tarıfterinen, jyljymaly quramdy kútip-ustaý, kómirdiń bırjalyq quny­nan, sondaı-aq halyqqa jetkizetin del­daldyq uıymdardyń jáne jeke tulǵa­lardyń marjasynan qalyptasady.

Elimizde kómir ónerkásibin damytý maqsatynda ótken jyly 2019-2021 jyldarǵa arnalǵan jol kartasy bekitildi, sondaı-aq 2019-2020 jyldarǵa arnalǵan kommýnaldyq-turmystyq qajettilikter men halyqqa arnalǵan kómir ónimderine qajettilik jospary jasaldy. 2020 jyl­ǵy 20 naýryzdaǵy jaǵdaı boıynsha jyl­dyq josparǵa (2019 jylǵy 1 mamyrdan bastap 2020 jylǵy sáýirge deıin) sáıkes kómir qorymen qamtamasyz etý 99,7%-dy quraıdy.

Aqtóbe, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Pavlodar, Almaty oblystary, Almaty jáne Shymkent qalalarynyń ákimdikteri kommýnaldyq-turmystyq sektor úshin kómirdiń jyldyq jetkizý kestesin tolyǵymen qamtamasyz etti.

Sondaı-aq Batys Qazaqstan, Qyzyl­orda, Qostanaı, Pavlodar, Aqmola, Almaty, Jambyl, Shyǵys Qazaqtan, Soltústik Qazaqstan oblystarynyń jáne Shymkent, Almaty jáne Nur-Sul­tan qalalary­nyń ákimdikteri halyq úshin kómirdiń jyldyq jetkizý kestesin toly­ǵymen oryndady.

Aıta ketý kerek, Qazaqstanda 2020 jy­­ly 120 mln tonna kómir óndirý jos­par­­­lanǵan. Osylaısha eldiń ishki nary­ǵyna 82 mln tonna, eksportqa 38 mln tonna kómir jetkiziletin bolady.

 

Sońǵy jańalyqtar

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar