Reseı Federasııasynyń Volgograd oblysynda qazaqtar men sheshender arasynda júzden astam adamnyń qatysýymen bolǵaly turǵan jappaı tóbelesiniń aldy alyndy. Bul týraly «Kýrsıv» gazeti jazdy.
Oblystyq ishki ister memlekettik basqarmasyna Pallasovka qalasy janyna tóbelesý úshin júzden astam qazaqtar men sheshenderdiń jınalyp jatqany týraly habar jetti. Osynyń nátıjesinde qaqtyǵystyń aldyn alýdyń reti keldi. Ony uıymdastyrýshy tórt adam ustaldy. Oqıǵa bolǵan jerge gýbernator men aımaqtyq úkimet basshylyǵynyń ókilderi keldi.
Shıeleniske 12 tamyz kúni bolǵan jol-kólik oqıǵasy sebepkerlik etken eken. VAZ-2106 kóligin mas kúıinde aıdaǵan qazaq jigiti joldyń jıgeni qoıylǵan sheshen oǵlanynyń Volkswagen Golf kóligine baryp soǵady. Polıseıler qazaqqa ákimshilik hattamasyn toltyryp jiberedi. Al jol-kólik oqıǵasyna qatystary bar ekeý bir-birimen ursysyp taraıdy.
Arada on kún ótkennen keıin sheshen jigitiniń týystary qazaq balasynyń úıine kelip, keltirgen shyǵynyn óteýdi talap etedi. Sol kezde arada tóbeles bastalyp ketedi. Sońynan bul urysqa qatysýshylar qandastaryn jınaı bastaıdy.
Sultan Bozaıǵyr.
