Qazaqstan • 03 Sáýir, 2020

Kásipkerler úshin múmkindik

15 ret kórsetildi

COVID-19 pandemııasyna baılanysty áleýmettik-ekonomıkalyq jaǵdaı kúrdelengen kezde Prezıdent Qasym-Jomart Toqaevtyń halyq pen kásipkerlerdiń qarjylyq jaǵdaıyn qoldaý maqsatynda jasaǵan málimdemesiniń mańyzy óte zor.

Birinshiden, Q.Toqaev Úkimet pen qarjy salasynyń quzyrly organdaryna týyndaǵan máselelerdi ońtaıly sheshýge naqty mindetter qoıylǵanyn aıtty.

Jalpy, qarjy daǵdarysy kezinde halyqtyń tólem qabileti tómendeýi, nesıeni óteý múmkindiginiń azaıýy zańdy qubylys. Búgingi tańda Qazaqstandaǵy halyqtyń úshten eki bóligi ekinshi deńgeıli bankterge bereshek. Osyny eskere otyryp, Prezıdenttiń tapsyrmasy bo­­ıynsha Úkimettiń tıisti  qadamdarynyń nátıjesinde bankter nesıelik tólemderdi 3 aı merzimge uzartty. Árıne bul múlde tólemeıdi degendi bildirmeıdi. Osyny nesıe alýshylar da durys qabyldaýy shart.

Sonymen qatar daǵdarystan zardap shekken jeke kásipkerlerge jeńildetilgen nesıeler jyldyq 8 %-dan aspaıtyn mól­sherlememen 12 aıǵa deıingi merzimge berilip otyr. Bul degenimiz – ekonomıkamyzdyń qazirgi jaǵdaıyna qaramastan kásipkerlik salasyna berilgen úlken múmkindik.

Jalpy, daǵdarys kezinde bankter men mıkrokredıttik uıymdardyń jumysyn kúsheıtý, tótenshe jaǵdaıǵa baılanysty nesıeniń paıyzdyq ústemesin eseptemeý, tólem merzimin uzartý sııaqty sharalar halyqtyń áleýmettik jaǵdaıyn álsiretpeýge, shaǵyn jáne orta kásipkerlik salany toqyraýǵa ushyratpaýǵa úlken kómegin tıgizedi. Ásirese aýyl sharýa­shy­lyǵy salasyndaǵy shaǵyn jáne orta bıznes ókilderine úlken qoldaý. Osy baǵyttaǵy jumystar arqyly Prezıdent pen Úkimet endigi ýaqytta memlekettiń negizgi súıenishi, ekonomıkanyń tiregi qaı sala bolýy tıis ekenin ańǵartqandaı áser qaldyrdy.

Qazirgi tańda shaǵyn jáne orta bıznestiń nesıelerin óteý merzimin uzartý, tólemderdi qaıta qarastyrý, salyqtan ýaqytsha bosatý máseleleri boıynsha banktermen, basqa da qarjy uıymdarymen jumys júrgizý tıimdiligin arttyrýdyń basqa da joldary qarastyrylýda. Bul bıliktiń tikeleı halyqpen, kásipkerlermen jumys isteýge beıildi ekenin kórsetedi.

 

Ajar BEISENBAEVA,

ekonomıst

 

Sońǵy jańalyqtar

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar