Naqtyraq aıtsaq, oblys ákimi О́mirzaq Shókeev «Eńbek» memlekettik baǵdarlamasy aıasynda 70 myńnan astam oblys turǵyndary jumyspen qamtylatynyn málimdedi. Oǵan qosa, daǵdarysqa qarsy sharalar retinde respýblıkalyq bıýdjetten bólingen qosymsha qarajatqa taǵy 25 myń jumys orny ashylady. Iаǵnı 100 myńǵa jýyq jumyssyz júrgen azamatta turaqty tabys tabý múmkindigi paıda bolady. Sondaı-aq «Jumyspen qamtýdyń jol kartasy» baǵdarlamasy arqyly oblysta 497 ınfraqurylymdyq jobalardy iske asyrý kózdelgen. Sonyń nátıjesinde 22 myńnan astam jumys orny ashylatyny boljanyp otyr. Áleýmettik mindettemelerdi tolyq kólemde oryndaý maqsatynda oblystaǵy barlyq osal toptaǵy azamattarǵa taldaý jumystary júrgizilip, ásirese, az qamtylǵan otbasylar, múgedekter, zeınetkerler erekshe baqylaýǵa alynǵan.
Sonymen qatar Elbasynyń bastamasymen eń tómengi zeınetaqy alatyn múgedekter, zeınetkerler, jetim balalar, qarııalardy qoldaý úshin «Birgemiz» qory quryldy. Bul baǵyttaǵy jumystar Nur Otan partııasymen júzege asyrylatyn bolady.
Túrkistan oblysy
