Byltyr bul óńirde 22 619 jańa jumys orny ashylǵan. Onyń 14 897-i – turaqty jumys orny. Jumyspen qamtý ortalyqtaryna habarlasqan adamdardyń túgelge jýyǵy jumysqa ornalasypty.
-Memleket basshysy Qasym-Jomart Toqaev óz málimdemesinde «Jumyspen qamtý jol kartasy» aıasynda óńirlerde naqty jobalardy júzege asyrýdy tapsyrdy. Osyǵan baılanysty bıyl Atyraý oblysynda 20 586 jańa jumys ornyn ashý josparlanyp otyr. Jyl basynan beri 1479 turaqty, 1932 ýaqytsha jumys orny ashyldy. «Jumys oryndaryn qurýdyń ıntegrasııalanǵan kartasy» aqparattyq júıesine memlekettik, sondaı-aq óńirlerdi damytý baǵdarlamalary boıynsha mamandyqtar bólinisine qatysty málimetter engizilýde, -dedi Serik Qamıdolla.
Onyń aıtýynsha, qazir Atyraý oblysynda 3 iri ınvestısııalyq joba júzege asyrylýda. Olar – «Teńizshevroıl» JShS-niń óndiristik qýatyn keńeıtý, «KRI» seriktestiginiń gaz-hımııalyq kesheniniń qurylysy, sondaı-aq, NCOC kompanııasynyń jobalary. Bul jobalarǵa tartylǵan merdiger, sonymen birge, qosalqy merdiger mekemelerdiń suranysymen bos jumys oryndaryna otandyq mamandar ornalastyrylýda.
Jumasat ǴAZIZ
