Kúıshi «Biz birgemiz» atty jańa týyndysynda osyndaı syn-saǵattan tek ult bolyp birikkende, barlyq karantın talaptaryn bir qoldyń saýsaǵyndaı jumyla oryndaǵanda, bir-birimizge demeý bolǵanda ǵana aman-esen óte alatynymyzdy aıtqysy keledi.
– Tótenshe jaǵdaı jarııalaý ońaı emes, oǵan qosa qazir keıbir adamdar karantın talaptaryn saqtamaı, úıde otyra almaı, balalarymen úıge syımaı júr. Biraq optımıst adam negatıvten de pozıtıv kóre alady. Sondyqtan osy kúıimdegi ádemi ıirimder arqyly ár nárseniń qaıyry baryn, kez kelgen qıyndyqtan sabaq alýǵa bolatynyn jáne adam qalasa, árqashan ýaqytty paıdaly ótkizýge ıdeıa taba alatynyn jetkizgim keldi, – deıdi kompozıtor-dombyrashy. Onyń aıtýynsha, elimizdiń ár óńirindegi mýzyka muǵalimderi shákirtterine jańa týyndyny úıretý úshin kúıdiń notasyn, avtordyń tartqan úlgisin joldaýdy ótinipti.
