О́kinishke qaraı, óńirdegi eldi mekenderdiń ınternet jelisine tolyqtaı qosylmaýyna baılanysty birqatar qıyndyqtar týyp otyr. Keıbir otbasynda kompıýterlik tehnıka jetispeýshiligi bar. Rasynda, 18 591 oqýshy qurylǵyǵa muqtaj eken. Atqarýshy bılik bul máseleni sheshýge shyndap kirisip jatyr. Ázirge 10 461 oqýshyǵa ýaqytsha paıdalaný úshin kompıýter berilgen. Qalǵan oqýshylardy teledıdar arqyly oqytýǵa sheshim qabyldanǵan.
Al muǵalim men oqýshy arasyndaǵy keri baılanys áleýmettik jeli messendjerleri men elektrondy poshta arqyly, tipti sıfrly baılanys joq jerde qaǵaz júzinde ornamaq. Iаǵnı, teledıdar arqyly oqıtyn oqýshynyń úı jumysyn tekserý úshin poshta qyzmeti men eriktilerdiń eńbegi paıdalanylady eken.
- Búgin-erteń aımaqtaǵy jalpy orta bilim berý uıymdarynyń qashyqtan oqytýǵa kóshýine qatysty daıyndyq jumystaryn tolyq aıataıtyn bolamyz. Oblys oqýshylaryn qashyqtan oqytý boıynsha muǵalimder arasynda túsindirý jumystary júrgizildi. Bilim basqarmasy tarapynan jalpy orta bilim berý uıymdarynda qashyqtyqtan oqytýdy iske asyrý boıynsha qadamdyq nusqaýlyq ázirlenip, jumys barysynda Bilimland, DarynOnline, Edu Page, Zoom bilim berý platformalaryn paıdalaný siltemeleri jiberildi. Aýdan ortalyǵynan shalǵaı ornalasqan eldi mekenderdegi sabaq «Balapan» jáne «El-Arna» telearnalary arqyly júrgizilmek. Alaıda, keıbir aýyldarda bul telearnalar qoljetimsiz bolǵandyqtan, oblystyq «Jetisý» telearnasynan arnaıy ýaqyt bólinip, joǵarydaǵy 2 telearnanyń tele-kórsetilimi efırden beriletin bolady. Qysqasy, Jetisý ustazdary tórtinshi toqsandaǵy bilim berý isin aqsatpaı, oqýshylarǵa qajetti ulaǵatty berýge daıyn, - deıdi Almaty oblystyq bilim basqarma basshysy Maıgúl Omarova.
Almaty oblysy
