«Qurmetti qazaqstandyqtar! Tótenshe jaǵdaı týraly zańǵa sáıkes Memleket basshysy 2 sáýirde Qarýly kúshterdiń aýmaqtyq áskerlerin jasaqtaý úshin áskerı mindettilerdi arnaýly jıyndarǵa shaqyrý týraly Jarlyqqa qol qoıdy. Bul Jarlyqtyń negizgi, basty mazmuny – ákimderge áskerı mindettilerdi arnaıy jıyndarǵa shaqyrýǵa múmkindik jáne quqyq berý. Al basty maqsaty – eń aldymen bizdiń halqymyzdyń qaýipsizdigi men densaýlyǵyn qorǵaý jáne qamtamasyz etý», - dedi mınıstr.
Mınıstrdiń aıtýynsha, jıyn zańǵa sáıkes úsh aıǵa deıin sozylýy múmkin. Áıtse de jıynnyń merzimin óz qajettiligine qaraı jergilikti atqarýshy organ belgileıdi. Áskerı mindetin atqarý úshin azamattar ózge óńirlerge shaqyrylmaıdy - tek turǵylyqty jeri boıynsha. Áskerge áskerı mindettiler jáne áskerı qyzmetke jaramdy adamdar shaqyrylady.
