Jospar boıynsha olar 16 aqpanda Sınt-Marten Karıb aralynan bastap, Atlantıka arqyly Azor araldaryna deıin jetip, 16-17 naýryzda sol jerden Frankfýrt arqyly elge ushyp kelýi tıis edi. Biraq COVID-19 koronavırýsynyń jyldam taralýy olardyń qaıtýyna kedergi boldy. Azor araldarynan turaqty avıareıster toqtatylǵannan keıin komanda olardyń «Eındraht» jelken kemesiniń Rotterdamdaǵy (Nıderlandy) tirkeý portyna qaıta oralýǵa sheshim qabyldady.
Júzý barysynda keme 12 baldyq daýylǵa ushyrap, bizdiń jas teńizshiler rýhtyń beriktigin jáne qolaısyz jaǵdaılarda komandamen jumys isteı biletindigin kórsetti. Nıderland ekıpajy atap ótkendeı, olar qazaqstandyq kadetterdiń kómeginsiz osyndaı daýyldan ótýi qıyn bolar edi.
Barlyq synaqtardan ótken bizdiń kadetter Fransııanyń Bolıo-sıýr-Mer qalasyna aman-esen jetip, ol jerden Qazaqstannyń Fransııa men Belgııadaǵy Elshilikteriniń kúshimen Amsterdam qalasyna jetkizildi.
Bizdiń dıplomattar birinshi kúnnen bastap balalar men olardyń ata-analarymen baılanysta boldy. Qazirgi ýaqytta olar Amsterdam qonaq úıinde ornalastyrylyp, Qazaqstanǵa jaqyn arada qaıtýyn kútýde.
