Elbasy, «Nur Otan» partııasy Tóraǵasy N.Á.Nazarbaevtyń 2020 jylǵy 20 naýryzdaǵy Úndeýine oraı elimizde «Biz birgemiz!» respýblıkalyq aksııasy bastaý alǵan. Elbasy Úndeýine alǵashqy bolyp qoldaý bildirgen Shymkenttik partııa belsendileri "Bereke" korporasııasynyń negizin qalaýshy Ráshkúl Ospanálıeva, «Banur-1» JShS bas dırektory Nurpeıis Anarbekov, "Art Qurylys" JShS dırektory Ánýar Tólendıev, «Bal Tekstıl» JShS dırektory Talǵat Ishahov árqaısysy «Shymkent qaıyrymdy qala» qoryna 5 mln.tengeden aýdardy.
- 20 naýryzdan bastap «Nur Otan» partııasy belsendileri, «Jas Otan» jastar qanatynyń jastary men eriktiler jumyldyrylyp, járdemge asa muqtaj otbasylarǵa saqtaný sharalaryn ustana otyryp, «kontaktsyz» tásilmen sanıtarlyq qorǵaný jıyntyqtary jáne birinshi kezekte qajetti ónimder men azyq-túlik tapsyrdy. Kómekke muqtaj otbasylardyń tizimi Qalalyq jumyspen qamtý jáne áleýmettik baǵdarlamalar usynǵan «Izgilikte jarysaıyq» jáne «Meıirim» qaıyrymdylyq qorlarynan alynǵan. Búgingi tańda qaladaǵy járdemge asa muqtaj 1000-nan astam otbasyǵa qajetti taýarlarmen kómek kórsetildi, - dedi Bahadyr Narymbetov baspasóz brıfınginde.
Elbasy, «Nur Otan» partııasynyń Tóraǵasy N.Á.Nazarbaevtyń bastamasymen elimizde «Birgemiz» qoǵamdyq qory ashyldy. Qor azamattarǵa, onyń ishinde COVID-19 koronovırýstan zardap shekkenderge ataýly jáne áleýmettik qoldaý kórsetý, osynyń sheńberinde uıymdastyrý-praktıkalyq is-sharalar ótkizý maqsatynda qurylyp, respýblıkalyq jáne aımaqtyq deńgeıde jumys júrgizedi.
Koronavırýstyq ınfeksııanyń taralýyna qarsy turýǵa baǵyttalǵan elde karantındik sharalardyń kúsheıýine baılanysty, 2020 jyldyń 1 sáýirinen bastap «Nur Otan» partııasy men «Jas Otan» eriktileri muqtaj adamdarǵa qajetti taýarlardy kontaktisiz jetkizýdi ýaqytsha toqtatty. Bul sheshim ınfeksııanyń búkil Qazaqstan boıynsha taralýyna baılanysty, turǵyndardyń da, eriktilerdiń de densaýlyǵyna qaýip tóndirmeý úshin qabyldandy.
Sonymen qatar halyqtyń az qamtamassyz etilgen toptaryn qoldaý maqsatynda aýdan ákimdikteri jumyspen qamtý jáne áleýmettik baǵdarlamalar bólimimen jáne qaıyrymdylyq qorlarymen birlesip, asa kómekke muqtaj otbasylardyń turmys jaǵdaıyna monıtorıng júrgizýde. Búgingi tańda 21864 azamat tizimge engizilgen.
