Elimizdegi sanıtarlyq-epıdemıologııalyq jaǵdaı týraly densaýlyq saqtaý mınıstri E. Birtanov, óńirlerdegi ahýal týraly Nur-Sultan qalasynyń ákimi A. Kólginov, Almaty qalasynyń ákimi B. Saǵyntaev, Shymkent qalasynyń ákimi M. Áıtenov, sondaı-aq Qyzylorda oblysynyń ákimi G. Ábdiqalyqova, Jumyspen qamtýdyń jol kartasyn is júzine asyrý sharalary týraly eńbek jáne halyqty áleýmettik qorǵaý mınıstri B. Nurymbetov, Jambyl oblysynyń ákimi B. Saparbaev pen Qaraǵandy oblysynyń ákimi J. Qasymbek, aýmaqtyq áskerlerdi arnaýly jınaqtaý týraly qorǵanys mınıstri N. Ermekbaev baıandady.
Memlekettik komıssııa koronavırýs ınfeksııasynyń taralýyn shekteý maqsatynda qyzmeti eki megapolıstiń tirshilik áreketin qamtamasyz etýmen jáne turǵyndardyń densaýlyǵymen baılanysty uıymdardy qospaǵanda, barlyq kásiporyndar men uıymdar úshin Nur-Sultan jáne Almaty qalalarynda kúshine engen jumyssyz rejımdi osy jyldyń 13 sáýirine deıin uzartý týraly sheshim qabyldady.
Memlekettik komıssııa Shymkent qalasy ákiminiń bıylǵy 4 sáýir kúngi saǵat 21:00-den bastap qalada karantın engizý týraly usynysymen kelisti. Aýrýhanaishilik juqpaly aýrýlardyń aldyn alý maqsatynda Úkimet basshysy ákimderge ınfeksııalyq, provızorlyq jáne karantındik nysandardaǵy sanıtarlyq talaptardyń múltiksiz saqtalýyn qamtamasyz etýdi tapsyrdy.
Densaýlyq saqtaý mınıstrliginiń usynysy boıynsha Nur-Sultan, Almaty jáne Shymkent qalalarynda tez turǵyzylatyn qurylymdardan úsh juqpaly aýrýlar aýrýhanalaryn salý týraly sheshim qabyldandy. Indýstrııa jáne ınfraqurylymdyq damý mınıstrligine múddeli memlekettik organdarmen birlesip, TJ kezeńinde jeke qorǵanysh quraldaryn shyǵarýǵa baqylaýdy qamtamasyz etý boıynsha qajetti sharalardy qabyldaý, Densaýlyq saqtaý mınıstrligi men ákimdikterge tirshilikti qamtamasyz etý obektilerinde qaýipsizdik pen jumys isteýdiń jekelegen algorıtmin ázirleý tapsyryldy.
Otyrys barysynda Jumyspen qamtýdyń jol kartasyn (JQJK) sapaly júzege asyrý, onyń ishinde Nur-Sultan, Almaty, Shymkent qalalary men basqa da óńirlerde naqty jobalardy tez arada bastaý máselelerine erekshe nazar aýdaryldy. Oǵan qosa Úkimet basshysy ákimderge kem degende 240 myń jumys ornyn qurýdy, otandyq óndirýshilerdiń taýarlary men qyzmetteriniń keminde 90%-yn paıdalanýdy qamtamasyz etýdi, JQJK aıasynda jumysqa ornalastyrý úshin mobıldi rekrýt pýnktterin qurýdy, jumyssyzdardy jobalarǵa Elektrondyq eńbek bırjasy arqyly tartýdy tapsyrdy.
Premer-Mınıstr tótenshe jaǵdaı kezinde tabysynan aıyrylǵandardyń tólem alýy (42 500 teńge) úshin azamattarǵa esepshot ashý jumystaryn qamtamasyz etý qajettigin atap ótti. Memlekettik komıssııa mektep oqýshylarynyń tórtinshi toqsanda qashyqtan oqý máselesin qarastyrdy. «Bilim jáne sıfrlyq damý mınıstrlikterine qashyqtan oqytý prosesine monıtorıng júrgizip, ádistemelik qoldaý kórsetýdi tapsyramyn», — dedi A. Mamın. Azyq-túlik qaýipsizdigin qamtamasyz etý jáne áskerı mindettilerdi Qarýly kúshterdiń aýmaqtyq áskerlerin jasaqtaý úshin arnaýly jıyndarǵa shaqyrý máseleleri, sondaı-aq ekonomıkanyń sektorlarynda tótenshe jaǵdaıdyń engizilýine baılanysty asa zardap shekkenderdi Qyzmet túrleriniń tizimine engizý úshin qajetti usynystar qaraldy, olar 1 sáýirden 1 qazan aralyǵynda eńbekaqy tóleý qorynan salyqtar men basqa da mindetti tólemderdi tóleýden bosatylady.
