– Biz klıentterimizdi baǵalaımyz jáne barynsha qamqorlyq kórsetsek deımiz. Koronavırýstyń taralýyna baılanysty kóptegen qazaqstandyq otbasynyń kúrdeli jaǵdaıǵa ushyraǵanyn bilemiz. Sondyqtan ár zaemshyǵa qoldaý bildirý týraly sheshim qabyldadyq. 2020 jyldyń 16 naýryzynan bastap qarjylyq qıyndyq kórip otyrǵan klıentterge 90 kún merzimge nesıe tólemin shegerý múmkindigi beriledi. Ol úshin dál qazir ótinish jazý, bankke kelýdiń qajeti joq. О́tinish 15 sáýirden bastap JSSB24 ınternet-bankınginde qabyldanady. Bul qadam klıentterimizge qıyndyqtan ótip, jaqyn arada qalypty ómirge oralýlaryna kómektesedi dep úmittenemiz.
Qazaqstandyqtardyń bolashaǵyn oılastyryp, Turǵyn úı qurylys jınaq banki arqyly baspanaly bolýdy josparlaıtynyn bank kórsetkishteri baıqatady, – deıdi Turǵyn úı qurylys jınaq banki basqarma tóraıymy Lázzat Ibragımova.
2020 jyldyń 1 toqsanynda Turǵyn úı qurylys jınaq banki salymshylary depozıtterine 125 mlrd teńge jınady. Jalpy alǵanda, jyl basynan beri 93 508 jınaq shoty ashylǵan. Depozıtterge degen mundaı úlken suranystyń sebebi – teńgeleı beriletin jáne ústemaqysy bekitilip qoıǵan nesıeniń qoljetimdigi. Depozıtterine bastapqy jarnaǵa dep aqsha jınaǵan bank klıentteri úı satyp alý úshin jyldyq ústemaqysy 2-8,5% aralyǵyndaǵy nesıe rásimdeı ala alady.
Jyl basynan beri mundaı múmkindikti Turǵyn úı qurylys jınaq bankiniń 7 592 klıenti paıdalanǵan. Qazirgi ýaqytta TQJB nesıe qorjyny 1, 034 trıllıon teńgeni quraıdy. Al merzimi bitpegen zaem sany 160 000-dy qurap otyr. Jyl basynda qoıylǵan josparly kórsetkishterdiń bárin Turǵyn úı qurylys jınaq banki 100%-ǵa oryndady. Sondaı-aq bank zaemshylarynyń nesıe sharttaryn, tártibin saqtaı alatyndyǵyn atap ótý kerek. Muny NPL deńgeıiniń tómendiginen (ýaqtyly ótelmegen, tóleý merzimini keshiktirilgenine 90 kúnnen asqan) kórýge bolady. Qazir bul kórsetkish 0,18%-dy qurap otyr, al el bankterindegi orta NPL 8%-ǵa teń.
