Rýhanııat • 03 Sáýir, 2020

Máýlen Áshimbaev: «Egemennen ertegi» - ıgi isterdiń biri de biregeıi

70 ret kórsetildi

Prezıdent Ákimshiligi Basshysynyń birinshi orynbasary Máýlen Áshimbaev Facebook paraqshasynda «Egemen Qazaqstan» gazeti qolǵa alǵan jańa «Egemennen ertegi» jobasyn erekshe atap ótti.

«Qazir úıden shyqpaı otyrýdyń ózi synaqqa aınaldy. Osyndaı kezde oqshaýlanǵan halyqtyń teledıdar men ınternetke kóbirek ýaqyt bóletini jasyryn emes. Sondyqtan mándi, maǵynaly dúnıelerdi arttyrýdyń mańyzy zor. Osy rette sondaı ıgi isterdiń biri de biregeıi retinde «Egemennen ertegi» jobasyn atap ótkim keledi. Kún saıyn «Egemen Qazaqstan» gazetiniń YouTube arnasynan beriletin ertegiler mynadaı jaıma-shýaq kúnderde dalaǵa shyǵýǵa asyǵatyn oıyn balasy úshin taptyrmas ermek bolary sózsiz» dep jazdy M.Áshimbaev.

Sondaı-aq ol ulttyq qundylyqtardy dáripteıtin erteginiń tárbıe quraly ekenin basa aıtty.

«Erteginiń ermekten buryn naǵyz tárbıe quraly ekeni belgili. О́ıtkeni ol arqyly izgi qasıetter men asyl qundylyqtar dáripteledi. Ár qazaq biletin «Er Tóstik», «Altyn saqa» ertegileri soǵan dálel. Shyn máninde, osyndaı taǵylymy mol týyndylardy tyńdap ósken balanyń ulttyq jádigerlerdi jadyna saqtap, tamyrynan eshqashan ajyramaıtyny anyq»,- dedi belgili saıasatker.

Máýlen Áshimbaev jańa bastamanyń ómirsheń bolýyn tilep, basylym basshysyna alǵys bildirdi.

s

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar