Reseıdiń Daǵystan respýblıkasynyń ortalyǵy – Mahachkala shaharyndaǵy Álı Álıev atyndaǵy sport keshenindegi kórmege qoıylǵan Mýhammed paıǵambardyń shashyn kórýge alty kúnniń ishinde mıllıonnan astam adam keldi. Bul týraly Reseıdiń NTV telearnasy habarlady.
«Mahachkaladaǵy Álı Álıev atyndaǵy sport keshenindegi kórme alty kúnnen beri jumys jasap jatyr. Endi eskpozısııany aldaǵy úsh kún boıy tek áıelder ǵana ashady», - dep málimdedi ITAR-TASS.
Al Kaspıısk polısııasy: «26 tamyz kúni saǵat tańǵy 6-da bastalǵan kórmege búginge deıin 1,151 mıllıon táý etýshi keldi. Táýligine munda 545 adam kelip tur» dep baıandady.
Keshen ǵımaraty janyna kúsheıtilgen kúzet qoıylǵan. Oǵan áskerı qyzmet organdarynyń eki myńǵa jýyq sarbazy tartylǵan. Sonymen birge óz saǵatyn kútip turǵan jedel járdem kólikteri de jetkilikti. Sebebi, qaınaǵan kúnniń astynda saǵattap turatyn táý etýshiler arasynda esterinen tanyp qulap qalatyndar da az emes.
Daǵystanǵa bul qymbat relıkvııa ótken jeksenbi kúni Birikken Arab Ámirliginen arnaıy reıspen jetkizilgen bolatyn. Ony Mýhammed paıǵambar tutynǵan zattardyń bas qorǵaýshysy sheıh Ahmad Bın Mýhammad Al-Hazratı bastaǵan 50 adamnan turatyn delegasııa alyp keldi.
Murat Aıtqoja.
