Jasulan Mádıev elimizde tótenshe jaǵdaı kezinde Memleket basshysynyń tapsyrmasy boıynsha jedel sharalar ázirlenip otyrǵanyn, atalǵan jumys sheńberinde eki baǵdarlamaǵa səıkes sońǵy qaryz alýshy úshin syıaqy mólsherlemesi birizdendirilgenin jetkizdi. Endi atalǵan baǵdarlama boıynsha nesıe mólsherlemesi 6%-ten aspaıdy.
«BJK 2025» baǵdarlamasy boıynsha bıznes jobalaryn keńinen qamtý úshin salalyq shekteýler alynyp tastaldy.
Bir kásipkerdi kredıttik qoldaý mólsheri 7 mlrd teńgege artty (2,5 mlrd. tengeden).
Baǵdarlama sheńberinde aınalym qarajatyn tolyqtyrý 500 mln teńgege artyp, (60 mln. teńgeden) toltyrylǵan túrde beriledi. Bul rette saýda qyzmeti sýbektileriniń aınalym qarajatyn tolyqtyrý 100 mln teńgege jetedi.
«Qarapaıym zattar ekonomıkasy» baǵdarlamasymen jobalardy qarjylandyrý úshin jalpy nesıeleý kólemi 400 mlrd teńgege, ıaǵnı 1 trln teńgege artty. Bul somadan 700 mlrd teńge AО́K qaıta óńdeý men óndirýge, 300 mlrd teńge óńdeýshi ónerkásip pen qyzmet kórsetý salasyna baǵyttalady.
Sonymen birge Memleket basshysynyń tapsyrmasy boıynsha 100 mlrd teńge kóktemgi egis jumystaryna jiberiledi.
Mádı Takıevtiń aıtýynsha, Memleket basshysynyń «Ekonomıkany turaqtandyrý jónindegi odan arǵy sharalar týraly» Jarlyǵyna sáıkes, bıznesti qoldaý úshin salyqtyq yntalandyrý jasaldy. Ol saýda salasynan bastap, týrıstik bızneske deıingi ekonomıkanyń túrli salalaryn qamtıdy.
Máselen, jyl sońyna deıin, múlik salyǵynan mynalar bosatyldy:
- iri saýda nysandary, saýda-oıyn-saýyq ortalyqtary, kınozaldar, tetarlar, kórmeler men sporttyq nysandar,
- qoǵamdyq tamaqtandyrý, qonaqúı jáne týrıstik qyzmet salasyndaǵy salyq tóleýshiler.
Budan basqa, salyq salýdyń jalpyǵa ortaqy tártibimen jumys isteıtin jeke kásipkerler jyl sońyna deıin jeke tabys salyǵynan bosatyldy. Agroónerkásiptik keshendi qoldaý maqsatynda múıizdi iri qara mal jáne asyl tuqymdy balapan ósiretin AО́K bıologııalyq aktıvter ımportyna QQS salynbaıdy.Sondaı-aq aýyl sharýashylyǵy ónimin óndirýshiler jyl sońyna deıin aýyl sharýashylyǵy maqsatyndaǵy jerler úshin salyq tólemeıdi. Bir mezgilde, áleýmettik mańyzy bar azyq-túlik taýarlarynyń QQS mólsherlemesi 1 qazanǵa deıin 12%-ten 8%-ke azaıtyldy.
Salyqtyq ákimshiliendirý boıynsha:
1. 2020 jylǵy 1 maýsymǵa deıin ShOB sýbektileri úshin barlyq salyqtar men mindetti tólemderdi jáne bıýdjetke mindetti tólemder men áleýmettik jarnalardy tóleý merzimi keıinge shegerilip (JTS, áleýmettik salyq, jumysshyǵa tólenetin áleýmettik jáne medısınalyq saqtandyrý), salyq, keden jáne áleýmettik tólemder boıynsha salyqtyq tekserýler men qaryzdardy májbúrlemeli óndirý toqtatylady.bızneske fıskaldyq qysymdy tómendetý maqsatynda tótenshe jaǵdaı kezinde salyqtyq tekserýler toqtaldy.
«Sonymen birge, Memleket basshysy 2020 jylǵy 31 naýryzdaǵy málimdemesinde, a.j. 1 sáýirden 1 qazanǵa deıin, saýda nysandary, qoǵamdyq tamaqtandyrý ortalyqtary, qonaqúı bıznesi, kólik jáne konsýltasııalyq qyzmetter, IT sekildi ekonomıkanyń neǵurlym zardap shekken salalaryn salyqtan jáne eńbekaqy tóleý qorynyń áleýmettik tólemderinen bosatýdy tapsyrdy, - dedi Mádı Takıev.
Tótenshe jaǵdaı rejimin qamtamasyz etý jónindegi memlekettik komıssııa jeńildikter qoldanylatyn qyzmet túrleriniń tizbesin bekitedi.
«Jaqyn aralyqta salyqtan jáne ETQ-nyń basqa da tólemderinen bosatylatyn barlyq qyzmet túrleri kórsetilgen Úkimet qaýlysy shyǵady», - dedi Ulttyq ekonomıka vıse-mınıstri.
